ᐃᓕᓐᓂᐊᕐᓂᕐᒧᑦ ᐊᒻᒪ ᐃᖅᑲᓇᐃᔮᖃᕐᓂᕐᒧᑦ ᐱᓕᕆᕝᕖᑦ
ᑖᓐᓇ ᑐᕌᒐᕆᔭᐅᔪᖅ ᐃᓕᓐᓂᐊᕐᓂᕐᒧᑦ ᐊᒻᒪ ᐃᖅᑲᓇᐃᔮᖃᕐᓂᕐᒧᑦ ᐱᓕᕆᕝᕕᖕᒥᑦ ᓴᓐᖏᒃᑎᓴᕈᑕᐅᓗᓂ ᐊᒻᒪ ᐱᕈᐃᓗᓂ ᐃᓄᖕᓂᑦ ᐃᖅᑲᓇᐃᔭᖅᑎᐅᔪᓂᒃ ᕿᑭᖅᑕᓂ ᓄᓇᖃᖅᑐᓂᒃ. ᐃᓕᓐᓂᐊᕐᓂᖅ ᐊᒻᒪ ᐃᖅᑲᓇᐃᔮᖃᕐᓂᕐᒧᑦ ᑮᓇᐅᔭᖅᑖᖅᑎᑕᐅᓂᖅ ᐊᑐᐃᓐᓇᐅᕗᖅ ᐃᑲᔫᑕᐅᓗᓂ ᑭᒃᑯᑐᐃᓐᓇᓂᒃ ᐊᒻᒪ ᑲᑐᔾᔨᖃᑎᒌᖕᓂᑦ ᐱᕈᕐᓴᓂᕐᒥᒃ, ᑐᓂᓯᓂᕐᒥᒃ ᐊᒻᒪ ᐃᓚᐅᓂᕐᒥᒃ ᐃᓕᓐᓂᐊᕐᓂᐅᔪᓂᒃ ᐊᒻᒪᓗ ᑐᓂᓯᓗᑎᒃ ᐃᓕᑕᕆᔭᐅᔪᓐᓇᕐᑐᓂᒃ ᐃᖅᑲᓇᐃᔭᖅᕕᐅᔪᓂᒃ ᑮᓇᐅᔾᔭᒃᓵᖑᓇᔭᕐᑐᓂᒃ ᐊᐃᑦᑑᑏᑦ ᐃᑲᔪᖅᑕᐅᔾᔪᑎᒃᓴᓂᒃ ᐃᓄᖕᓂᑦ ᐃᖅᑲᓇᐃᔭᖅᑎᑖᕋᓱᖕᓂᕐᒥᑦ ᐃᓕᓐᓂᐊᕐᓗᑎᒃ, ᐃᖅᑲᓇᐃᔭᕆᐅᖅᓴᓗᑎᒃ ᐊᒻᒪᓗ ᐃᖅᑲᓇᐃᔮᒃᓴᓂᒃ ᓴᖅᑭᑎᑦᑎᓂᕐᒥᑦ ᑐᕌᖓᔪᓂᑦ.
ᐃᓕᓐᓂᐊᕐᓂᕐᒧᑦ ᐊᒻᒪ ᐃᖅᑲᓇᐃᔮᖃᕐᓂᕐᒧᑦ ᐱᓕᕆᕝᕖᑦ ᒫᓐᓇᐅᔪᒃᑯᑦ ᑲᑭᕙᒃᑯᓐᓂᑦ ᓴᖅᑭᔮᖅᑎᑕᐅᓯᒪᔪᑦ ᐅᑯᐊᖑᕗᑦ:
ᐃᓄᑐᐊᕐᒧᑦ ᐃᑲᔪᑎᒃᓴᒥᑦ ᐱᓕᕆᐊᒃᓴᖅ
ᑖᓐᓇ ᐃᓄᑐᐊᕐᒧᑦ ᐃᑲᔫᑎᒃᓴᒥᑦ ᐱᓕᕆᐊᒃᓴᖅ ᐃᓄᖕᓂᑦ ᐃᑲᔪᓲᖑᕗᑦ ᐃᖅᑲᓇᐃᔭᕆᐅᖅᓴᓂᕐᒥᒃ ᑮᓇᐅᔭᓂᒃ ᑐᓂᓯᓪᓗᑎᒃ ᐊᖏᖅᑕᐅᓯᒪᔪᓂᒃ ᐃᓕᓐᓂᐊᕐᓂᕐᒧᑦ ᐃᖃᓇᐃᔭᕆᐅᖅᓴᓂᕐᒥᑦ ᐱᓕᕆᓂᕐᒥᒃ. ᑖᓐᓇ ᐱᓕᕆᐊᒃᓴᖅ ᐃᑲᔪᕈᑎᒥᑦ ᑐᓂᓯᓲᖑᕗᖅ ᐃᓕᓐᓂᐊᕐᓂᕐᒧᑦ ᐊᒻᒪ ᐊᐅᓪᓚᖅᓯᒪᓂᖓᓄᑦ ᐊᖏᕋᒥᓂᒃ ᐃᑲᔪᕈᑎᒥᒃ, ᐃᓕᓐᓂᐊᕐᓂᕐᒧᑦ ᐊᑭᓕᐅᑎᒥᒃ, ᐅᖃᓕᒫᒐᓂᒃ ᐊᑐᕆᐊᓕᖕᓂᑦ ᐃᓕᓐᓂᐊᕐᓂᕐᒧᑦ ᐊᒻᒪ ᖃᖓᑦᑕᐅᑎᖏᓐᓂᒃ.
ᑮᓇᐅᑦᔭᒃᓴᓂᕐᒧᑦ ᐃᑲᔪᖅᑕᐅᔾᔪᑎᒃᓴᓂᒃ ᐱᓕᕆᐊᒃᓴᖅ
ᑖᓱᒧᖓ ᑮᓇᐅᔾᔭᒃᓴᓂᕐᒧᑦ ᐃᑲᔪᖅᑕᐅᔾᔪᑎᒃᓴᓂᒃ ᐱᓕᕆᐊᒃᓴᒥᑦ ᐃᖅᑲᓇᐃᔭᖃᖅᑎᐅᔪᑦ ᑐᒃᓯᕋᕈᓐᓇᖅᐳᑦ ᑮᓇᔾᔭᒃᓴᓂᕐᒧᑦ ᐃᑲᔪᖅᑕᐅᔾᔪᑎᒃᓴᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᑖᕈᓐᓇᖁᓪᓗᒋᑦ ᐱᓇᓱᐊᕈᓯᕐᓂᑦ 12-ᓂᑦ 48-ᓄᑦ ᑎᑭᓪᓗᒍ. ᖃᐅᔨᒪᓂᐊᖅᐳᑎᑦ: ᑐᓂᔭᐅᔪᓐᓇᖅᐳᑎᑦ ᑮᓇᐅᔾᔭᒃᓴᕐᓂᕐᒧᑦ ᐃᑲᔪᕈᑕᐅᔪᒧᑦ ᐃᓄᖕᒧᑦ ᐊᑕᐅᓯᕐᒧᑦ ᐊᑕᐅᓰᑐᐃᓐᓇᕐᓗᑎᑦ.
ᐃᖅᑲᓇᐃᔮᖃᕐᓂᕐᒧᑦ ᑐᕌᖓᔪᒥᑦ ᐃᓕᓐᓂᐊᕐᓂᖅ
ᑖᓐᓇ ᑐᕌᒐᕆᔭᐅᔪᖅ ᐃᖅᑲᓇᐃᔮᖃᕐᓂᕐᒧᑦ ᑐᕌᖓᔪᒥᑦ ᐃᓕᓐᓂᐊᕐᓂᖅ ᐱᓕᕆᐊᒃᓴᖅ ᐃᑲᔪᕈᑕᐅᕗᖅ ᑭᒃᑯᑐᐃᓐᓇᕐᓄᑦ ᐅᕝᕙᓘᓐᓃᑦ ᑲᑎᓐᖓᔪᓂᒃ ᐱᓂᓱᖕᓂᕐᒥᒃ ᐅᕝᕙᓘᓐᓃᑦ ᐱᐅᓯᑎᑦᑎᕚᓪᓕᕈᑕᐅᓗᓂ ᐃᖅᑲᓇᐃᔮᖃᕐᓂᕐᒧᑦ ᐊᔪᖏᓐᓂᖏᓐᓂᑦ. ᑖᓱᒨᓇ ᐱᓕᕆᓂᐅᔪᒧᑦ, ᒪᕐᕉᖕᓂᒃ ᐊᕕᒃᑐᖅᓯᒪᕗᑦ ᑮᓇᐅᔭᖅᑖᕈᑕᐅᔪᓐᓇᖅᑐᓂᒃ ᐃᖅᑲᓇᐃᔭᖃᕐᕕᓄᑦ:
- ᐃᖅᑲᓇᐃᔭᕐᓗᓂ ᐃᓕᓐᓂᐊᕐᓯᓐᓈᕐᓗᓂ ᑮᓇᐅᔭᒃᓴᓂᕐᒧᑦ ᐊᒻᒪ ᐊᑭᖏᑦ ᐊᑑᑎᓕᑦ ᐃᓕᓐᓂᐊᕈᑎᖓᓄᑦ ᐃᖅᑲᓇᐃᔮᖓᓄᑦ ᐊᒻᒪᓗ ᐃᖅᑲᓇᐃᔭᕐᓗᓂ ᐃᓕᓐᓂᐊᕐᓯᓐᓈᕐᓗᓂ ᐱᓇᓱᐊᕈᓯᕐᓂᑦ 12-ᓂᑦ 48-ᓄᑦ ᑎᑭᓪᓗᒍ.
- ᐃᓕᓐᓂᐊᕐᓂᕐᒧᑦ ᓂᐅᕕᕐᓂᕐᒧᑦ ᑮᓇᐅᔭᖅᑖᕐᑎᑕᐅᓂᖅ ᐊᑭᓖᓲᖑᕗᑦ ᑕᒪᒃᑮᓂᒃ ᐅᕝᕙᓘᓐᓃᑦ ᐃᓚᐃᓐᓇᖓᓂᒃ ᐃᓕᓴᐃᔨᒧᑦ ᐊᒻᒪ ᐃᓕᓐᓂᐊᖅᑐᒧᑦ ᐊᑭᓕᕆᐊᖃᖅᑐᓂᒃ ᐊᖏᖅᑕᐅᓯᒪᔪᓂᒃ ᐃᓕᓐᓂᐊᕐᓂᐅᔪᓂᒃ.
ᑮᓇᐅᔭᓕᐅᕈᑎᒃᓴᓂᒃ ᓴᖅᑮᕙᓪᓕᐊᕈᑎᒃᓴᓄᑦ ᑮᓇᐅᔭᖅᑖᖅᑎᑕᐅᓂᖅ
ᑖᓐᓇ ᑮᓇᐅᔭᓕᐅᕈᑎᒃᓴᓂᒃ ᓴᖅᑮᕙᓪᓕᐊᕈᑎᒃᓴᓄᑦ ᑮᓇᐅᔭᖅᑖᕐᑎᑕᐅᓂᖅ(EOF) ᑐᓂᓯᓲᖑᕗᑦ ᑮᓇᐅᔭᓂᒃ ᐃᑲᔪᕈᑎᒃᓴᓂᒃ ᐃᓕᓐᓂᐊᖅᑎᑦᑎᓂᕐᒥᑦ ᐃᑲᔪᕈᑕᐅᓂᐊᖅᑐᒥᒃ ᐃᓕᑕᕆᔭᐅᓯᒪᔪᓂᒃ ᐃᓚᒋᔭᐅᔪᓂᒃ 6-ᓂᒃ ᓄᓇᓕᖕᓂᑦ ᑲᓇᑕᐅᑉ ᒥᕐᖑᐃᕐᓯᕐᕕᖃᕐᕕᒋᔭᖏᓐᓂᑦ ᐱᓇᓱᐊᖅᑎᓪᓗᒋᑦ ᐳᓚᕋᕐᓂᕐᒧᑦ ᑐᕋᖓᔪᓂᒃ ᐊᔪᕈᓐᓃᕈᑕᐅᓂᐊᕐᑐᓂᒃ.
