ᓇᖕᒥᓂᖃᕐᓂᕐᒧᑦ ᐱᓕᕆᔾᔪᔾᔨᓂᕐᒧᑦ ᐱᓕᕆᕝᕕᒃ

ᕿᓂᖅᐲᑦ ᖃᓄᐃᖁᔭᒥᓂᒃ ᐅᖃᐅᔾᔨᒋᐊᕐᓂᕐᒦᑦ, ᐃᑲᔪᕐᓯᕐᑕᐅᓂᕐᒥᒃ ᐅᕝᕙᓘᓐᓃᑦ  ᑮᓇᐅᔭᓂᒃ ᐃᑲᔪᖅᓯᖅᑕᐅᓂᕐᒧᑦ ᐱᒋᐊᕈᑎᒃᓴᓃᒃ ᐅᕝᕙᓘᓐᓃᑦ ᐊᖏᒡᓕᒋᐊᖅᑎᑦᑎᓂᕐᒧᑦ ᓇᖕᒥᓂᕆᔭᕐᓅᑦ? ᖃᓄᑐᐃᓐᓇᖅ ᓇᖕᒥᓂᕆᔭᐃᑦ ᐊᖏᓂᖓ, ᑭᓱᑐᐃᓐᓇᓕᕆᕝᕖᑦ, ᓇᒦᓕᕐᓃᑦ, ᑲᑭᕙᒃᑯᑦ ᓴᖅᑭᑎᑕᒃᓴᖃᖅᐳᑦ ᐊᒻᒪ ᐃᓄᖕᓂᑦ ᐊᑐᐃᓐᓇᖃᖅᐳᑦ ᐃᑲᔪᕈᓐᓇᖅᑐᓂᒃ ᐃᕝᕕᑦ ᑐᕌᒐᕆᔭᕆᔪᒪᔭᕐᓂᑦ.

ᑲᑭᕙᐅᑉ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᕝᕕᖓᑦ ᐊᑐᐃᓐᓇᐅᑎᑦᑎᕗᑦ  ᐱᓕᕆᔾᔪᔾᔨᓂᕐᒥᑦ ᐃᑲᔫᑕᐅᔪᓐᓇᖅᑐᓂᒃ ᐃᓄᖕᓂᑦ ᕿᑭᖅᑕᓂ ᐊᕕᒃᑐᖅᓯᒪᔪᓂᑦ ᖃᐅᔨᓴᕐᓂᕐᒥᒃ, ᐸᕐᓇᐃᓂᕐᒥᑦ, ᓴᖅᑭᑎᑦᑎᓂᕐᒥᑦ, ᐊᐅᓚᑦᑎᓂᕐᒥᑦ ᐊᒻᒪᓗ ᓇᖕᒥᓂᖁᑎᒋᔭᖓᓐᓂᒃ ᐊᖏᒡᓕᒋᐊᕐᓂᕐᒥᑦ. ᑖᓐᓇ ᑐᕌᒐᕆᒻᒪᕆᒃᑕᕗᑦ ᐃᑲᔪᕐᓗᑕ ᓴᖅᑭᑎᑦᑎᓂᕐᒥᒃ ᑲᔪᓰᓐᓇᕈᓐᓇᖅᑐᒥᒃ ᐊᒻᒪᓗ ᐱᓕᕆᓂᖃᑦᑎᐊᖅᑐᓄᑦ ᐃᓄᖕᓂ ᓇᖕᒥᓂᓕᖕᓂᑦ ᑐᓂᓯᓲᓂᒃ ᐃᖅᑲᓇᐃᔮᖃᕐᓂᕐᒥᑦ ᓴᖅᑭᑕᐅᔪᓐᓇᖅᑐᓂᑦ ᓇᖕᒥᓂᖃᖅᑎᐅᔪᓂᑦ ᐊᒻᒪᓗ ᐊᓯᖏᓐᓂᑦ ᓄᓇᓕᑦᑎᓐᓂ.

ᑕᐃᒃᑯᐊ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᔪᓕᕆᔨᕗᑦ ᐊᑐᐃᓐᓇᐅᕗᑦ ᐅᖃᐅᔾᔨᒋᐊᕐᓂᕐᒥᒃ ᐊᒻᒪ ᐃᑲᔪᕐᓗᑎᒃ ᐊᐅᓪᓚᖅᐸᓪᓕᐊᔪᓐᓇᖁᓪᓗᑎᑦ ᐱᓕᕆᐊᖃᑦᑎᐊᕐᓂᕐᒥᒃ. ᐅᐸᒃᕕᒃᓴᓕᐅᕐᓗᑎᑦ ᑕᑯᔭᖅᑐᕐᓗᑎᒍᑦ, ᐅᕝᕙᓘᓐᓃᑦ ᐅᖄᓚᓗᑎᑦ ᐊᑭᖃᖏᑦᑐᒧᑦ.

ᐱᓕᕆᐊᒃᓴᕗᑦ:

ᒪᑭᒋᐊᕐᕕᖕᒧᑦ ᑮᓇᐅᔭᓂᒃ ᐊᑐᖅᑐᐊᒐᒃᓴᑦ

ᒪᑭᒋᐊᕐᕕᖕᒧᑦ ᑮᓇᐅᔭᓂᒃ ᐊᑐᖅᑐᐊᒐᒃᓴᑦ ᐊᑐᐃᓐᓇᐅᕗᑦ ᐱᔪᓐᓇᕋᔭᖅᑐᓂᑦ ᐃᓄᖕᓂ ᓇᖕᒥᓂᓕᖕᓂᑦ ᐱᔭᕆᐊᓕᖕᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᓴᖅᑭᑎᑦᑎᓂᕐᒥᑦ ᐅᕝᕙᓘᓐᓃᑦ ᓇᖕᒥᓂᖁᑎᒋᔭᖓᓐᓂᒃ ᐊᖏᒡᓕᒋᐊᕐᓂᕐᒥᑦ. ᓇᖕᒥᓂᖃᕐᓂᕐᒧᑦ ᐱᕙᓪᓕᐊᔪᓕᕆᔨᕗᑦ ᐱᓕᕆᖃᑎᖃᕐᓂᐊᖅᐳᑦ ᐃᓕᖕᓂᑦ ᕿᓂᕐᓂᕐᒥᑦ ᐊᑲᐅᓂᖅᐹᒥᑦ ᑮᓇᐅᔭᓂᒃ ᕿᓂᕐᓂᕐᒧᑦ ᐊᑐᐃᓐᓇᐅᔪᓂᑦ ᓇᖕᒥᓂᕐᓄᑦ ᐱᕙᓪᓕᐊᑎᑦᑎᔾᔪᑕᐅᓂᐊᖅᑐᒥᑦ ᐱᓕᕆᐊᒃᓴᕐᓄᑦ, ᐃᓚᖃᕐᓗᒍ ᑲᑎᙵᔪᓂᑦ ᐊᐃᑦᑑᓯᐊᓂᑦ ᐃᑲᔫᑎᓂᑦ ᐊᒻᒪᓗ ᒪᑭᒋᐊᕐᕕᖏᒧᑦ ᑮᓇᐅᔭᓂᒃ ᐊᑐᖅᑐᐊᒐᒃᓴᓂᑦ.

• $50,000-ᒧᑦ ᐃᓱᓕᕝᕕᖃᕐᓗᓂ ᐊᑐᖅᑐᐊᒐᒃᓴᖅ  ᐋᖅᑭᒃᓯᒪᔪᒥᑦ ᑮᓇᐅᔭᓂᒃ ᐊᑐᖅᑐᐊᕐᓂᕐᒧᑦ ᕿᑐᓐᖏᐅᕈᑖ ᐊᑭᓕᕆᐊᓕᒃ 81/2 %-ᒥᑦ
• ᐊᑐᖅᑐᐊᖅᑕᕐᓂᑦ ᐅᑎᖅᑎᑦᑎᔾᔪᑎᒃᓴᒥᑦ ᐋᖅᑭᒃᓯᒪᔪᒥᑦ ᐊᕐᕌᒍᓄᑦ 7-ᓄᑦ ᑎᑭᑦᑐᒧᑦ

ᓯᕗᒻᒧᑦ ᑮᓇᐅᔭᐃᑦ ᐊᐃᑦᑑᓯᐊᑦ

ᓯᕗᒻᒧᑦ ᑮᓇᐅᔭᐃᑦ ᐊᐃᑦᑑᓯᐊᑦ ᐊᑐᐃᓐᓇᐅᕗᑦ ᐱᔪᓐᓇᕋᔭᖅᑐᓂᑦ ᐃᓄᖕᓂ ᓇᖕᒥᓂᓕᖕᓂᑦ ᐃᑲᔪᖅᓱᐃᓂᐊᖅᑐᒥᑦ ᓴᖅᑭᑎᑦᑎᓂᕐᒥᑦ ᐅᕝᕙᓘᓐᓃᑦ ᓇᖕᒥᓂᖁᑎᒋᔭᖓᓐᓂᒃ ᐊᖏᒡᓕᒋᐊᕐᓂᕐᒥᑦ. ᓇᖕᒥᓂᖃᕐᓂᕐᒧᑦ ᐱᕙᓪᓕᐊᔪᓕᕆᔨᕗᑦ ᐱᓕᕆᖃᑎᖃᕐᓂᐊᖅᐳᑦ ᐃᓕᖕᓂᑦ ᕿᓂᕐᓂᕐᒥᑦ ᐊᑲᐅᓂᖅᐹᒥᑦ ᑮᓇᐅᔭᓂᒃ ᕿᓂᕐᓂᕐᒧᑦ ᐊᑐᐃᓐᓇᐅᔪᓂᑦ ᓇᖕᒥᓂᕐᓄᑦ ᐱᕙᓪᓕᐊᑎᑦᑎᔾᔪᑕᐅᓂᐊᖅᑐᒥᑦ ᐱᓕᕆᐊᒃᓴᕐᓄᑦ, ᐃᓚᖃᕐᓗᒍ ᑲᑎᙵᔪᓂᑦ ᐊᐃᑦᑑᓯᐊᓂᑦ ᐃᑲᔫᑎᓂᑦ ᐊᒻᒪᓗ ᒪᑭᒋᐊᕐᕕᖏᒧᑦ ᑮᓇᐅᔭᓂᒃ ᐊᑐᖅᑐᐊᒐᒃᓴᓂᑦ.

• $5,000-ᒧᑦ ᑎᑭᓪᓗᒍ ᐱᒋᐊᕐᓂᐊᕈᑎᒧᑦ ᓇᖕᒥᓂᖃᕐᓂᕐᒥᑦ
• $10,000-ᒧᑦ ᑎᑭᓪᓗᒍ ᓇᖕᒥᓂᖃᕐᓂᕐᒧᑦ ᐱᒋᐊᕈᑎᒥᒃ
• $10,000-ᒧᑦ ᑎᑭᓪᓗᒍ ᓇᖕᒥᓂᕆᔭᐅᔪᒧᑦ ᐱᕈᕈᑕᐅᓂᐊᖅᑐᒧᑦ
• ᑭᒡᓕᖃᖅᑐᒧᑦ $25,000-ᒥ ᑲᑎᓪᓗᒋᑦ ᐊᐃᑦᑑᓯᐊᓂᑦ ᐊᑐᓂ ᓇᖕᒥᓂᓕᖕᓄᑦ
• ᖄᒃᑲᓐᓂᐊᒍᑦ ᐃᑲᔪᖅᓱᐃᓂᕐᒧᑦ ᐊᑐᐃᓐᓇᐅᕗᑦ ᐃᓕᓐᓂᐊᖅᑎᑦᑎᓂᕐᒧᑦ ᐊᐅᓚᓐᓂᕐᒧᑦ ᓇᖕᒥᓂᕆᔭᕐᓂᑦ

Pdf -ᑯᑦ ᐋᖅᑭᒃᓯᒪᓂᖓ ᑕᑕᑎᕆᐊᓖᑦ

ᒥᑭᑦᑐᓄᑦ ᓴᓇᕐᕈᑎᓂᒃ ᑮᓇᐅᔭᐃᑦ ᐊᐃᑦᑑᓯᐊᑦ

ᑎᑎᕋᐅᔭᖅᑏᑦ ᐅᕝᕙᓘᓐᓃᑦ ᓴᓇᙳᐊᖅᑏᑦ ᑐᒃᓯᕋᕈᓇᖅᐳᑦ ᑮᓇᐅᔭᓂᒃ ᐃᑲᔪᕈᑕᐅᓇᔭᖅᑐᓂᒃ ᓂᐅᕕᕐᓂᕐᒥᑦ ᓴᓇᕐᕈᑎᓂᒃ ᐊᒻᒪ ᓱᓇᒃᑯᑖᒃᓴᖏᓐᓂᒃ.

• $1,000-ᒧᑦ ᑎᑭᓪᓗᒍ ᐃᑲᔪᕈᑕᐅᓂᐊᖅᑐᒥ ᓂᐅᕕᕐᓂᕐᒧᑦ ᓴᓇᙳᐊᕈᑎᐅᔪᓂᑦ. ᐱᔪᓐᓇᕋᔭᖅᑐᓂᑦ ᑐᒃᓯᕋᖅᑐᓂᑦ ᒥᑭᑦᑐᓄᑦ ᓴᓇᕐᕈᑎᓂᒃ ᑮᓇᐅᔭᐃᑦ ᐊᐃᑦᑑᓯᐊᖅᑖᕈᓐᓇᖅᐳᑦ ᐊᑕᐅᓰᕐᓗᑎᒃ ᐊᕐᕋᒍᑦ ᑕᓪᓕᒪᑕᒫᑦ.
• $2,500 ᑎᑭᓪᓗᒍ ᐃᑲᔪᕈᑕᐅᓂᐊᖅᑐᒥ ᓂᐅᕕᕐᓂᕐᒧᑦ ᒥᖅᓲᑎᓄᑦ. ᐱᔪᓐᓇᕋᔭᖅᑐᓂᑦ ᑐᒃᓯᕋᖅᑐᓂᑦ ᒥᖅᓲᑎᑖᕈᑎᒃᓴᒥᑦ ᐊᐃᑦᑑᓯᐊᖅᑖᕈᓐᓇᖅᐳᑦ ᐊᑕᐅᓰᑐᐃᓐᓇᕐᓗᑎᒃ ᐃᓅᓯᕐᒥᓂᑦ.

Pdf -ᑯᑦ ᐋᖅᑭᒃᓯᒪᓂᖓ ᑕᑕᑎᕆᐊᓖᑦ

ᐃᖅᑲᓇᐃᔮᖅᑖᕋᓱᐊᕐᓂᕐᒧᑦ ᑮᓇᐅᔭᖅᑖᖅᑎᑕᐅᓂᖅ

ᐳᓚᕋᕐᓂᕐᒧᑦ-ᑐᙵᕕᓖᑦ ᓇᖕᒥᓂᓕᖕᓄᑦ ᐊᐅᓚᑕᐅᔪᓂᑦ 6-ᖑᔪᓂᑦ ᓄᓇᓕᖕᓂᑦ ᒥᕐᙳᐃᖅᓯᕐᕕᓕᖕᓂᑦ ᐃᓗᐊᓃᑦᑐᓂᒃ ᐃᓂᓖᑦ ᕿᑭᖅᑕᓂ ᐊᕕᒃᑐᖅᓯᒪᔪᓂ ᑐᒃᓯᕋᕈᓐᓇᖅᐳᑦ ᑮᓇᐅᔭᓂᑦ ᐅᕘᓇ ᐃᖅᑲᓇᐃᔮᖅᑖᕋᓱᐊᕐᓂᕐᒧᑦ ᑮᓇᐅᔭᖅᑖᖅᑎᑕᐅᓂᐅᔪᒧᑦ. ᑖᒃᑯᐊ ᓄᓇᓖᑦ ᐅᑯᐊᖑᕗᑦ: ᐊᐅᓱᐃᑦᑐᖅ, ᖃᐅᓯᐅᑦᑐᖅ, ᐃᒃᐱᐊᖅᔪᒃ, ᒥᑦᑎᒪᑕᓕᒃ, ᕿᑭᖅᑕᖅᔪᐊᖅ ᐊᒻᒪ ᐸᖕᓂᖅᑑᖅ.

• $10,000-ᒧᑦ ᑎᑭᓪᓗᒍ ᐊᐃᑦᑑᓯᐊᑦ ᑮᓇᐅᔭᕐᓂᑦ ᐊᑐᐃᓐᓇᐅᕗᑦ ᐱᔪᓐᓇᕋᔭᖅᑐᓂᑦ ᑐᒃᓯᕋᖅᑐᓂᑦ ᐊᒻᒪᓗ ᐱᓕᕆᐊᒃᓴᐅᔪᒥᑦ. ᐱᔪᓐᓇᕋᔭᖅᑐᓂᑦ ᑐᒃᓯᕋᖅᑐᓂᑦ ᐱᔪᓐᓇᖅᑐᐃᑦ ᐊᐃᑦᑑᓯᐊᓂᑦ ᐊᕐᕌᒍᑕᒫᑦ.
• ᐱᓕᕆᐊᒃᓴᐃᑦ ᐃᓚᖃᕈᓐᓇᖅᐳᑦ ᓄᑖᓂᒃ ᐱᓕᕆᔾᔪᑎᓂᒃ, ᐊᑦᑕᕐᓇᖅᑐᒦᑦᑕᐃᓕᒪᓂᕐᒧᑦ ᐊᓐᓄᕌᓂᒃ ᐊᒻᒪᓗ ᓂᐅᕕᐊᒃᓴᕆᔭᐅᔪᓐᓇᕐᓂᖏᓐᓄᑦ ᐱᒋᐊᕈᑎᒃᓴᐅᔪᓄᑦ. EOF ᐊᐃᑦᑑᓯᐊᑦ ᐃᓚᖃᕈᓐᓇᖅᐳᑦ ᐊᓯᖏᓐᓂᑦ ᑮᓇᐅᔭᖅᑖᕈᑕᐅᓇᓱᐊᖅᑐᓂᑦ ᑮᓇᐅᔭᖃᖅᑎᑦᑎᓇᓱᐊᕐᓂᕐᒧᑦ ᐊᖏᓂᖅᓴᓂᒃ ᐱᓕᕆᐊᒃᓴᐅᔪᓂᑦ.

Pdf -ᑯᑦ ᐋᖅᑭᒃᓯᒪᓂᖓ ᑕᑕᑎᕆᐊᓖᑦ