ᐅᓂᒃᑳᕐᓂᖅ ᐅᕙᑦᑎᓐᓂᒃ
ᑲᑭᕙᒃ ᑲᑐᔾᔨᖃᑎᒌᖏᑦ ᓄᓇᓕᖕᓄᑦ ᐊᒻᒪ ᑮᓇᐅᔾᔭᒃᓴᔪᓐᓇᕐᓂᕐᒧᑦ ᐱᕙᓪᓕᐊᔾᔪᑎᒃᓴᓄᑦ ᑲᑐᔾᔨᖃᑎᒌᖑᕗᖅ ᐃᓄᖕᓄᑦ ᐱᓕᕆᓪᓗᑎᒃ, ᐱᔪᓐᓇᖅᑎᑦᑎᓪᓗᑎᒃ ᓇᖕᒥᓂᖃᕐᓂᕐᒥᑦ, ᐃᖅᑲᓇᐃᔮᒃᓴᖅᓯᐅᕐᓂᕐᒥᑦ ᐊᒻᒪ ᐃᓕᓐᓂᐊᖅᑎᑦᑎᓂᕐᒥᑦ ᓴᓐᖏᒃᑎᑦᑎᕙᓪᓕᐊᓇᓱᖕᓂᕐᒥᑦ ᓄᓇᓕᖕᓂᑦ ᕿᑭᖅᑖᓗᖕᒥᐅᑕᓂᑦ.
ᑲᑭᕙᒃᑯᑦ ᐃᖅᑲᓇᐃᔭᕐᑎᖏᑦ ᐋᕿᒃᑕᐅᓯᒪᕗᑦ ᐊᕕᒃᑐᕐᓯᒪᓪᓗᑎᒃ ᐱᖓᓱᓂᒃ ᐱᓕᕆᕝᕕᓂᒃ - ᐱᓕᒻᒪᒃᓴᕐᓂᖅ ᐃᖅᑲᓇᐃᔭᕐᓂᕐᓗ, ᓇᖕᒥᓂᖃᕐᓂᕐᒧᑦ ᐱᕙᓪᓕᐊᔪᓕᕆᓂᕐᒧᓪᓗ, ᐊᒻᒪᓗ ᐸᐃᕆᕝᕕᖕᓄᑦ, ᒪᒃᑯᒃᑐᓄᑦ ᐊᒻᒪ ᐊᔪᕈᑎᖃᕐᑐᓄᓪᓗ - ᐊᒻᒪᓗ ᑎᓴᒪᖓᑦ ᐱᓕᕆᕝᕕᒃ, ᑮᓇᐅᔭᓕᕆᔩᑦ ᐊᐅᓚᑦᑎᔨᓪᓗ.
ᑖᒃᑯᐊ ᖄᑲᓐᓂᐊᒍᑦ ᐃᖅᑲᓇᐃᔭᖃᑎᖃᕐᓂᕐᒥᑦ ᐱᐅᓯᑎᑦᑎᑲᓐᓂᕋᓱᐊᕐᓂᕐᒥᑦ ᐱᓕᕆᐊᕆᕙᒃᑕᑦᑎᓐᓂᑦ, ᑲᑭᕙᒃᑯᑦ ᐃᖃᓇᐃᔭᖅᑎᖏᑦ ᐊᒻᒪ ᑲᑎᒪᔨᖏᑦ ᐱᓕᕇᓐᓇᖅᐳᑦ ᖁᕝᕙᐃᑎᑦᑎᓂᕐᒥᒃ ᐃᓄᐃᑦ ᐱᓕᕆᐊᕆᔪᒪᔭᖏᓐᓂᒃ ᑲᑎᒪᓂᐅᔪᓂᒃ ᐅᖃᐅᓯᓕᖕᓂᑦ ᐊᑐᐊᒐᓂᒃ, ᐱᓕᕆᐊᒃᓴᓂᒃ, ᐊᒻᒪᓗ ᓯᕗᓂᒃᓴᑦᑎᓐᓂᒃ ᐱᔪᒪᔭᐅᓇᔭᖅᑐᓂᒃ ᑕᐅᔭᐅᓯᒪᔪᑦ ᐱᑖᖅᑐᒃᓴᐅᑕᐅᔪᓄᑦ ᐱᓕᕆᐊᒃᓴᐃᑦ ᒥᒃᓵᓄᖓᔪᓂᑦ.
ᑲᑭᕙᒃᑯᑦᑕᐅᖅ ᐋᔩᖃᑎᒌᓲᖑᕗᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ. ᑲᑎᒪᔨᕗᑦ ᐊᒻᒪ ᐃᖅᑲᓇᐃᔭᖅᑎᕗᑦ ᐃᑲᔪᖅᓱᐃᖏᓐᓇᕋᓱᓲᖑᕗᑦ ᐊᒻᒪ ᐊᖏᖃᑎᒌᒐᓱᐊᓲᖑᒋᓪᓗᑎᒃ ᓄᓇᕗᒻᒥᐅᑕᐃᑦ ᐱᔾᔪᑕᐅᖃᑕᐅᑎᑦᑎᓇᓱᐊᕐᓂᕐᒥᒃ ᑲᓇᑕᒥᑦ ᓴᖅᑭᑎᑕᐅᓯᒪᔪᓂᒃ ᑮᓇᐅᔭᖅᑖᖅᑎᑕᐅᓂᕐᒥᒃ ᑐᓂᐅᖃᕐᑕᐅᓂᖏᓐᓄᑦ. ᑖᓐᓇ ᑮᓇᐅᔭᖅᑕᖅᑎᑕᐅᓂᖅ ᐋᕿᒃᓯᓯᒪᕗᖅ ᑐᓐᖓᕕᖕᒥᑦ ᑕᒪᒃᑯᐊ ᓴᖅᑭᑕᐅᓯᒪᔪᓕᒫᓂᒃ ᐃᑲᔪᕈᑎᑦ ᐱᔪᓐᓇᕐᓃᑦ ᖃᓄᑐᐃᓐᓇᖅ ᐋᕿᒃᑕᐅᓯᒪᖕᒪᖔᑕ.
ᐊᕐᕌᒍᐃᑦ ᖄᖏᖅᓯᒪᔪᐃᑦ ᑲᔅᓯᒐᓚᐅᓕᖅᑐᖅ, ᑲᑭᕙᒃᑯᑦ ᐱᐅᓯᑎᑦᑎᓇᓱᐃᓐᓇᖅᐳᑦ ᓴᖅᑭᑕᐅᓯᒪᔪᓂᑦ ᐊᒻᒪ ᐱᓕᕆᓂᑦᑎᓐᓂᑦ, ᐊᒻᒪ ᐱᓕᖅᐸᓪᓕᐊᑎᑦᑎᓂᕐᒥᒃ ᑕᒪᒃᑮᑦ ᐱᓕᕆᕝᕕᑦᑎᓐᓂᑦ ᐱᔪᓐᓇᕐᓂᖅ ᖃᓄᑐᐃᓐᓇᖅ, ᐊᒻᒪ ᓄᓇᓕᖕᓂᑦ ᐱᔪᓐᓇᕐᓂᖅ ᖃᓄᑐᐃᓐᓇᖅ ᕿᑭᖅᑕᓂ ᓄᓇᖃᖅᑐᓂᒃ. ᒫᓐᓇᐅᔪᒃᑯᑦ ᓯᕗᓪᓕᖅᐸᐅᔾᔭᐅᔭᕆᐊᖃᕆᔭᕗᑦ ᐅᑯᐊᖑᕗᑦ :
- ᓴᓐᖏᓂᕐᓴᒥᑦ ᑲᓱᖅᑎᑦᑎᓂᕐᒥᑦ ᓄᓇᓕᖕᓂᑦ ᓴᖅᑭᑎᑦᑎᓂᕐᒥᑦ
- ᐱᓕᖅᐸᓪᓕᐊᔪᒥᒃ ᐱᓕᕆᓂᕐᓂᒃ ᓄᓇᓕᖕᓂᑦ ᓴᖅᑭᑎᑦᑎᓂᕐᒥᑦ
- ᐱᐅᓯᕚᓪᓕᖅᑎᑦᑎᓂᕐᒥᑦ ᐱᓕᕆᕝᕕᖕᓂᑦ ᐱᓕᕆᖃᑎᒌᖕᓂᕐᒧᑦ
- ᐱᓕᕆᐊᒃᓴᑦ ᐃᑲᔪᕈᑏᑦ ᐱᐅᓯᑎᑦᑎᑲᓐᓂᕐᓂᕐᒥᑦ
- ᖃᐅᔨᓴᕐᓂᖅ ᐱᓕᕆᐊᒃᓴᓂᒃ ᐊᒃᑐᖅᑕᐅᓂᖓᓂᑦ
