ᑲᑭᕙᒃ ᑲᑐᔾᔨᖃᑎᒌᖏᑦ ᑐᕌᖓᕗᖅ ᓄᓇᓕᖕᓄᑦ ᐊᒻᒪ ᐱᕙᓪᓕᐊᔪᖁᑎᒋᔭᐅᔪᓂᒃ ᑲᑐᔾᔨᖃᑎᒌᖏᓐᓄ ᐃᓄᖕᓄᑦ ᑐᕌᖓᔪᓂᒃ, ᓇᖕᒥᓂᖃᕐᓂᕐᒥᒃ, ᐃᖃᓇᐃᔮᖅᑖᕐᓂᕐᒧᑦ ᐊᒻᒪ ᐃᓕᓐᓂᐊᕐᓂᕐᒧᑦ ᓴᓐᖏᒃᑎᑦᑎᑦᔪᑕᐅᓂᐊᕐᑐᓂᒃ ᓄᓇᓕᖕᓂᑦ ᕿᑭᖅᑖᓗᑉ ᐃᓕᐅᓂ.

ᑲᑎᒪᔨᕗᑦ ᐊᒻᒪ ᐃᖅᑲᓇᐃᔭᖅᑎᕗᑦ ᐊᑐᐃᓐᓇᐅᕗᑦ ᐃᖅᑲᓇᐃᔭᖃᑎᖃᕐᓂᕐᒥᒃ ᓄᓇᓕᖕᓂᑦ, ᐃᓄᑐᐃᓐᓇᕐᓂᑦ, ᑲᑐᑦᔨᖃᑎᒌᖕᓂᑦ ᐊᒻᒪ ᐃᖃᓇᐃᔭᖅᑎᓂᒃ ᐃᑲᔪᕐᓂᕐᒥᒃ ᐃᓄᖕᓂᑦ ᐱᓕᕆᐊᕆᔪᒪᔭᖏᓐᓂᒃ ᐊᒻᒪ ᑐᕌᒐᕆᔭᐅᔪᒪᔪᓂᒃ ᓇᓂᓯᓂᕐᒥᑦ.

ᑲᑭᕙᒃᒥᑦ, ᐱᓕᕆᐊᑦᑎᓐᓂᒃ ᐱᐅᓯᑎᑦᑎᓇᓱᐃᓐᓇᓲᖑᕗᒍᑦ. ᒫᓐᓇᕋᑖᖅ ᐋᕿᒃᓯᓚᐅᖅᐳᒍᑦ ᐊᔾᔨᒌᖏᑦᑐᓂᒃ ᐊᑐᒐᕐᓂᖅᑐᓂᒃ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᖕᒥᑦ ᐊᑑᑎᓂᒃ ᐃᑲᔪᕐᓂᐊᖅᑐᓂᒃ ᐃᓕᖕᓂᑦ ᕿᓂᕐᑎᓪᓗᑎᑦ ᑐᓴᒐᒃᓴᓂᒃ, ᐱᓕᕆᐊᕆᕙᒃᑕᑦᑎᓂᒃ ᒪᓕᒋᐊᓕᖕᓂᑦ ᐊᒻᒪ ᑐᒃᓯᕋᐅᑎᓂᒃ ᑎᑎᕋᕐᓂᕐᒥᑦ ᖃᕋᓴᐅᔭᒃᑯᑦ. ᐅᕙᑦᑎᓐᓄᑦ ᖃᐅᔨᒋᐊᕐᐸᒡᓗᑎᑦ ᐊᐱᖅᑯᓯᔅᓯᓐᓂᒃ, ᐃᖅᑲᓇᐃᔭᖅᑎᖃᕋᑦᑕ ᐃᑲᔪᕈᓐᓇᖅᑐᓂᒃ ᐊᒻᒪ ᐊᑲᐅᓛᓂᒃ ᐃᓕᖕᓄᑦ ᐊᑐᕈᓐᓇᕋᔭᕐᑕᕐᓂᑦ ᓇᓗᓇᐃᕐᓯᔪᓐᓇᕐᖢᑎᒃ.

ᐃᓕᓴᕆᔪᒪᕙᕗᑦ ᑲᑐᔾᔨᖃᑎᒌᑦ ᑮᓇᐅᔭᓂᒃ ᐊᑐᐃᓐᓇᐅᑎᑦᑎᓲᓂᒃ ᑖᒃᑯᓂᖓ ᓴᖅᑭᑎᑦᑎᓂᐅᔪᓂᒃ ᐊᑐᐃᓐᓇᐅᔪᓐᓇᖅᑎᑦᑎᔾᔪᑕᐅᔪᓂᒃ: ᕿᑭᖅᑕᓂᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᑲᓇᑕᐅᑉ ᐃᖅᑲᓇᐃᔭᕐᑐᓕᕆᔨᒃᑯᖏ, ᐃᓄᓕᕆᔨᑐᖃᒃᑯᓐᓂᑦ ᐊᒻᒪ ᓄᓇᖃᖅᑲᖅᑐᓄᑦ ᑲᓇᑕᒥᑦ.