ᐸᐃᕆᕝᕕᖕᓄᑦ, ᒪᒃᑯᒃᑐᓄᑦ ᐊᒻᒪ ᐊᔪᕈᑎᓕᖕᓄᓪᓗ ᐱᓕᕆᐊᒃᓴᑦ
ᑲᑭᕙᒃᑯᑦ ᑮᓇᐅᔭᖅᑖᖅᑎᑦᑎᓲᖑᒋᕗᑦ ᐱᓕᕆᐊᒃᓴᓄᑦ ᐅᑯᓄᖓ ᐸᐃᕆᕝᕕᓄᑦ, ᒪᒃᑯᒃᑐᓄᑦ ᐊᒻᒪ ᐊᔪᕈᑎᓕᖕᓄ, ᐃᑲᔪᕈᑕᐅᓪᓗᓂ ᕿᑭᖅᑕᓂ ᐃᓄᖕᓂᑦ ᕿᓂᕐᓂᕐᒥᒃ ᐃᓕᓐᓂᐊᕈᑎᒃᓴᓂᒃ ᐅᕝᕙᓘᓐᓃᑦ ᐃᖃᓇᐃᔭᕈᓐᓇᕐᓯᑎᑦᑎᓂᕐᒥᒃ.
ᐸᐃᕆᕝᕕᖕᓄᑦ ᐱᓕᕆᐊᒃᓴᑦ
ᑐᕌᒐᕆᔭᐅᔪᑦ ᑲᑭᕙᒃᑯᓐᓄᑦ ᐸᐃᕆᕝᕕᖕᓄᑦ ᐱᓕᕆᐊᒃᓴᒥᑦ ᑐᓂᓯᓇᓱᐊᕐᖢᑎᒃ ᐱᐅᔪᒥᒃ, ᐱᖅᑯᓯᕐᒥᒃ ᐃᒃᐱᒍᓱᑦᑎᐊᕐᑐᒥᒃ ᐊᒻᒪ ᒪᓕᒐᑎᒍᑦ ᐊᐅᓚᑕᐅᑦᑎᐊᕐᑐᒥᒃ ᐸᐃᕆᕕᖃᕐᓂᕐᒥᒃ ᐃᓄᖕᓄᑦ ᐊᖓᔪᖄᖑᔪᓄᑦ ᐃᖅᑲᓇᐃᔭᕐᑐᓄᑦ, ᐃᓕᓐᓂᐊᕐᑐᓄᑦ ᐅᕝᕙᓘᓐᓃᑦ ᐃᓚᐅᔪᓂᒃ ᑮᓇᐅᔭᓕᐅᕈᑕᐅᓲᓂᒃ ᐃᓚᐅᔪᓄᑦ. ᑖᓐᓇ ᐱᓕᕆᐊᕆᔭᐅᓲᖑᕗᖅ ᐃᑲᔪᖅᓯᕐᖢᑎᒃ ᐊᖏᖅᑕᐅᓯᒪᔪᓂᒃ ᐸᐃᕆᕝᕕᖕᓂᑦ ᐅᑯᓂᖓ ᐊᕕᒃᑐᕐᓯᒪᔪᓂᒃ:
- ᐅᐸᖃᑦᑕᕐᓂᖓᓄᑦ ᐋᕿᒃᓯᒪᔪᖅ ᐊᐅᓚᔾᔪᑏᑦ ᐊᒻᒪᓗ ᐋᖅᑭᐅᒪᐃᓐᓇᕈᑏᑦ ᑮᓇᐅᔭᖅᑖᕐᑎᑕᐅᓂᖅ
- ᐱᕙᓪᓕᐊᑎᑦᑎᓂᖅ ᐊᐅᓚᑦᔪᑏᑦ ᐊᒻᒪᓗ ᐋᖅᑭᐅᒪᐃᓐᓇᕈᑏᑦ ᑮᓇᐅᔭᖅᑖᕐᑎᑕᐅᓂᖅ
- ᐃᓄᖕᓄᑦ ᐃᖅᑲᓇᐃᔭᖅᑎᓄᑦ ᐊᔭᐅᕆᒋᐊᕈᑎᑦ ᐊᖏᖅᑕᐅᓯᒪᔪᓄᑦ ᐸᐃᕆᕝᕕᐅᔪᓄᑦ
ᐱᓕᕆᐊᒃᓴᑦ ᒪᒃᑯᒃᑐᓄᑦ
ᑲᑭᕙᒃᑯᑦ ᐃᑲᔫᑕᐅᔪᓂᒃ ᑮᓇᐅᔭᖅᑖᕐᑎᑦᑎᔪᓐᓇᖅᐳᑦ ᑭᒃᑯᑐᐃᓐᓇᓄᑦ ᐊᒻᒪ ᑲᑐᔾᔨᖃᑎᒌᒃᑐᓄᑦ ᐃᑲᔪᖅᓱᐃᓪᓗᑎᒃ ᒪᒃᑯᒃᑐᓂᒃ ᐃᖅᑲᓇᐃᔮᖅᑕᕋᓱᐊᕐᓂᕐᒧᑦ, ᐃᓕᓐᓂᐊᕐᓂᕐᒧᑦ, ᐃᖅᑲᓇᐃᔭᕆᐅᖅᓴᓂᕐᒥᒃ, ᐃᓕᓐᓂᕐᒥᑦ, ᐊᒻᒪ ᐃᖅᑲᓇᐃᔮᓄᑦ ᖃᐅᔨᓇᓱᐊᕐᓂᕐᒧᑦ ᐱᓕᕆᓂᕐᒧᑦ. ᒫᓐᓇᐅᔪᒃᑯᑦ ᐱᓕᕆᐊᒃᓴᑦ ᐅᑯᐊᖑᕗᑦ:
ᒪᒃᑯᒃᑐᓄᑦ ᐃᖅᑲᓇᐃᔭᕐᓂᕐᒧᑦ ᐃᓕᓐᓂᖅ ᐱᓕᕆᐊᒃᓴᖅ
ᑖᓐᓇ ᐱᓕᕆᐊᒃᓴᖅ ᒪᒃᑯᒃᑐᓄᑦ ᐃᑲᔪᕈᑕᐅᓲᖑᕗᖅ ᐃᓅᓯᕐᒥᑦ ᐊᒻᒪ ᐃᖅᑲᓇᐃᔭᕆᐅᕐᓴᕐᓂᕐᒥᑦ ᐃᓕᓴᕐᓂᕐᒥᑦ ᐃᑲᔪᖅᑐᐃᓪᓕᑎᒃ ᓇᖕᒥᓂᓕᖕᓂᑦ ᐊᒻᒪ ᑲᑐᔾᔨᖃᑎᒌᖕᓂᑦ ᐃᓕᓐᓂᐊᖅᑎᑦᑎᓂᕐᒥᒃ ᐃᖅᑲᓇᐃᔭᕆᐅᕐᓴᓂᕐᒥᒃ ᒪᒃᑯᒃᑐᓄᑦ ᐊᕐᕌᒍᓕᖕᓂᑦ 15-ᒥᑦ 30-ᒧᑦ.
ᐃᖅᑲᓇᐃᔮᖃᕐᓂᕐᒧᑦ ᖁᕝᕙᐃᑎᑦᑎᓂᕐᒥᒃ ᐊᒻᒪ ᐅᔾᔨᕈᓱᖕᓂᕐᒧᑦ ᐱᓕᕆᐊᒃᓴᖅ
ᐃᓄᐃᑦ ᐊᒻᒪ ᑮᓇᐅᔾᔭᒃᓴᕈᑕᐅᖏᑦᑐᑦ ᑲᑐᔾᔨᖃᑎᒌᖏᓐᓄᑦ ᑐᒃᓯᕋᕈᓐᓇᖅᐳᑦ ᑖᓱᒥᖓ CPAP-ᑯᑦ ᑮᓇᐅᔭᖅᑖᕈᑎᒃᓴᓂᒃ ᐱᓕᕆᐊᖑᓇᔭᖅᑐᓂᒃ ᐃᖅᑲᓇᐃᔮᖃᕐᓂᕐᒧᑦ ᖁᕝᕙᐃᑎᑦᑎᓂᕐᒥᑦ, ᐃᖅᑲᓇᐃᔮᖃᕐᓂᕐᒧᑦ ᐱᕙᓪᓕᐊᓂᕐᒧᑦ ᑐᓴᒐᒃᓴᓂᒃ, ᐊᒻᒪᓗ ᐃᓅᓯᕐᒧᑦ ᐊᒻᒪ ᐃᖅᑲᓇᐃᔭᕆᐅᖅᓴᓂᕐᒧᑦ ᐱᕙᓪᓕᐊᓂᕐᒧᑦ ᒪᒃᑯᒃᑐᓄᑦ, ᐊᕐᕌᒍᖏᑦ ᐅᖃᕐᓯᒪᖏᑦᑐᑦ (ᑭᓯᐊᓂᓕ ᐊᕐᕌᒍᖃᕋᔭᓐᖑᐊᖅᑐᑦ 8-ᒥᑦ 30-ᒧᑦ)
ᐊᐅᔭᒃᑯᑦ ᐃᓕᓐᓂᐊᖅᑐᓄᑦ ᐃᖅᑲᓇᐃᔮᖃᖅᑎᑦᑎᓂᕐᒧᑦ ᐱᓕᕆᐊᒃᓴᖅ
ᑲᑐᔾᔨᖃᑎᒌᑦ ᐊᒻᒪ ᓇᖕᒥᓂᓖᑦ ᓴᖅᑭᑎᑦᑎᔪᒪᔪᐃᑦ ᐊᐅᔭᒃᑯᑦ ᐃᖅᑲᓇᐃᔭᖅᓴᕆᐅᖅᓴᓂᕐᒥᒃ ᐃᓄᖕᓄᑦ ᖁᑦᑎᖕᓂᕐᓴᓄᑦ ᐊᒻᒪ ᓯᓚᑦᑐᕐᓴᕐᕕᓄᑦ ᐃᓕᓐᓂᐊᕐᑐᓂᒃ ᐃᖅᑲᓇᐃᔮᕐᑕᕋᓱᒍᓐᓇᖅᐳᑦ ᐊᐅᔭᒃᑯᑦ ᐃᓕᓐᓂᐊᖅᑐᓄᑦ ᐃᖅᑲᓇᐃᔮᖃᖅᑎᑦᑎᓂᕐᒧᑦ ᐱᓕᕆᐊᒃᓴᒧᑦ ᐃᖅᑲᓇᐃᔭᖅᑎᑖᕋᓱᐊᕐᑐᓂᒃ ᒪᑯᒃᑐᓄᑦ ᐊᕐᕌᒍᓕᖕᓂᑦ 15-ᒥᑦ 30-ᒧᑦ.
ᑭᓱᑐᐃᓐᓇᕐᓂᒃ ᖃᐅᔨᓴᕐᓂᖅ ᐊᒻᒪ ᓄᑖᖑᖅᐸᓪᓕᐊᔪᑦ ᐊᑐᖅᑕᐅᓯᒪᔪᓐᓇᖅᑐᑦ ᐱᓕᕆᐊᒃᓴᑦ
ᐃᓄᐃᑦ ᒪᒃᑯᒃᑐᐃᑦ ᐊᔾᔨᒌᖏᕈᓘᔭᖅᑐᓂᒃ ᖃᐅᔨᒪᓕᖅᑎᑕᐅᓲᖑᕗᑦ ᐊᒻᒪ ᐱᓕᕆᓪᓗᑎᒃ ᐃᓕᓐᓂᐊᓂᖃᕐᖢᑎᒃ ᑖᓱᒨᓇ ᐱᓕᕆᓂᕐᒥᑦ ᑐᓂᓯᓲᖑᓪᓗᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᐊᒻᒪ ᒐᕙᒪᒃᑯᓐᓂᑦ ᑮᓇᐅᔭᖅᑕᕈᑎᒃᓴᓂᒃ ᓴᖅᑭᑎᑦᑎᓂᕐᒥᒃ ᑭᓱᑐᐃᓐᓇᕐᓂᒃ ᖃᐅᔨᓴᕐᓂᕐᒥᑦ ᐊᒻᒪ ᓄᑖᖑᖅᐸᓪᓕᐊᔪᑦ ᐊᑐᖅᑕᐅᓯᒪᔪᓐᓇᖅᑐᓂᒃ ᐱᓕᕆᓂᐅᔪᓂᒃ ᐊᒻᒪ ᐃᓕᓐᓂᐊᕐᓂᐅᔪᓂᒃ, ᐊᕐᕌᒍᖏᑦ ᐅᖃᖅᓯᒪᖏᑦᑐᑦ (ᑭᓯᐊᓂᓕ ᐊᕐᕌᒍᖃᕋᔭᓐᖑᐊᖅᑐᑦ 8-ᒥᑦ 30-ᒧᑦ)
ᒪᒃᑯᒃᑐᓄᑦ ᐃᓕᓐᓂᐊᕐᓂᖅ ᐊᒻᒪ ᐃᖃᓇᐃᔭᕆᐅᖅᓴᓂᖅ ᐱᓕᕆᓂᖅ
ᒪᒃᑯᒃᑐᐃᑦ ᐱᓕᒻᒪᒃᓴᕐᓂᖃᕆᐊᖃᖅᐳᑦ ᐃᖅᑲᓇᐃᔭᕆᐅᖅᓴᓂᕐᒥᑦ ᐊᒻᒪ ᐃᓕᓐᓂᕐᒥᑦ. ᑖᓐᓇ ᐱᓕᕆᓂᖅ ᑐᓂᓯᓲᖑᕗᖅ ᑮᓇᐅᔾᔭᒃᓴᓂᕐᒧᑦ ᐃᑲᔪᖅᑕᐅᔾᔪᑎᒃᓴᓂᒃ ᐃᖅᑲᓇᐃᔭᖅᑏᑦ ᐃᓄᖕᓂᑦ ᒪᒃᑯᒃᑐᓂᒃ ᐃᖅᑲᓇᐃᔭᖅᑎᑖᕈᒪᖁᓪᓗᒋᑦ ᐊᕐᕌᒍᓕᖕᓂᑦ 15-ᒥᑦ 30-ᒧᑦ.
ᐊᔪᕈᑎᓕᖕᓄᑦ ᐃᑲᔪᕈᑎᒃᓴᐅᔪᓄᑦ ᐱᓕᕆᓂᖅ
ᑖᓐᓇ ᑐᕌᒐᕆᔭᐅᔪᖅ ᐊᔪᕈᑎᓕᖕᓄᑦ ᐃᑲᔪᕈᑎᒃᓴᐅᔪᓄᑦ ᐱᓕᕆᓂᖅ ᓴᓐᖏᒃᓴᐃᑲᓐᓂᕐᓂᕐᒥᑦ ᐊᒻᒪ ᐱᕈᐃᒃᑲᓐᓂᕐᓂᕐᒥᑦ ᐃᓄᐃᑦ ᐃᖅᑲᓇᐃᔭᖅᑎᖏᓐᓂᒃ ᕿᑭᖅᑕᓂᒃ ᓄᓇᓕᖕᓂᑦ. ᑖᓐᓇ ᐊᔪᕈᑎᓕᖕᓂᑦ ᐃᑲᔪᕈᑎᒃᓴᐅᔪᓄᑦ ᐱᓕᕆᓂᖅ ᑮᓇᐅᔭᖅᑖᖅᑎᑕᐅᓂᖅ ᐊᑐᐃᓐᓇᐅᕗᖅ ᐃᑲᔪᕈᑕᐅᓪᓗᓂ ᑭᒃᑯᑐᐃᓐᓇᓂᒃ ᐊᒻᒪ ᑲᑐᔾᔨᖃᑎᒌᖕᓂᑦ ᐱᕙᓪᓕᐊᓂᕐᒥᒃ, ᐱᓕᕆᓂᕐᒥᒃ ᐊᒻᒪᓗ ᐃᓚᐅᓂᕐᒥᒃ ᐃᓕᓐᓂᐊᕐᓂᐅᔪᓂᑦ ᐊᒻᒪᓗ ᑐᓂᓯᓗᑎᒃ ᐃᓕᑕᕆᔭᐅᔪᓐᓇᖅᑐᓄᑦ ᐃᑲᔪᖅᑐᐃᔪᓐᓇᖅᑐᓂᑦ ᑮᓇᐅᔾᔭᒃᓴᕐᓂᕐᒧᑦ ᐃᑲᔪᖅᑕᐅᔾᔪᑎᒃᓴᓂᒃ ᐃᓄᖕᓂᑦ ᐊᔪᕈᑎᓕᖕᓂᑦ ᐃᖅᑲᓇᐃᔭᖅᑎᑖᕈᒪᖁᓪᓗᒋᑦ ᐃᓕᓐᓂᐊᕐᑎᑕᐅᓗᑎᒃ, ᐃᖅᑲᓇᐃᔭᕆᐅᖅᓴᑎᑕᐅᓗᑎᒃ ᐊᒻᒪ ᐃᖃᓇᐃᔮᒃᓴᓂᑦ ᓴᖅᑭᑎᑦᑎᓂᕐᒥᒃ.
ᐊᔪᕈᑎᓕᖕᓄᑦ ᐃᑲᔪᕈᑎᒃᓴᐅᔪᓄᑦ ᐱᓕᕆᓂᖅ ᑲᑭᕙᒃᑯᓐᓄᑦ ᓴᖅᑭᑕᐅᓯᒪᔪᖅ ᐅᑯᓂᖓ ᐊᕕᒃᑐᖅᓯᒪᕗᑦ:
ᐃᓄᑐᐊᕐᒧᑦ ᐃᑲᔪᑎᒃᓴᒥᑦ ᐱᓕᕆᐊᒃᓴᖅ
ᑖᓐᓇ ᐃᓄᑐᐊᕐᒧᑦ ᐃᑲᔫᑎᒃᓴᒥᑦ ᐱᓕᕆᐊᒃᓴᖅ ᐃᓄᖕᓂᑦ ᐃᑲᔪᓲᖑᕗᑦ ᐃᖅᑲᓇᐃᔭᕆᐅᖅᓴᓂᕐᒥᒃ ᑮᓇᐅᔭᓂᒃ ᑐᓂᓯᓪᓗᑎᒃ ᐊᖏᖅᑕᐅᓯᒪᔪᓂᒃ ᐃᓕᓐᓂᐊᕐᓂᕐᒧᑦ ᐃᖃᓇᐃᔭᕆᐅᖅᓴᓂᕐᒥᑦ ᐱᓕᕆᓂᕐᒥᒃ. ᑖᓐᓇ ᐱᓕᕆᐊᒃᓴᖅ ᐃᑲᔪᕈᑎᒥᑦ ᑐᓂᓯᓲᖑᕗᖅ ᐃᓕᓐᓂᐊᕐᓂᕐᒧᑦ ᐊᒻᒪ ᐊᐅᓪᓚᖅᓯᒪᓂᖓᓄᑦ ᐊᖏᕋᒥᓂᒃ ᐃᑲᔪᕈᑎᒥᒃ, ᐃᓕᓐᓂᐊᕐᓂᕐᒧᑦ ᐊᑭᓕᐅᑎᒥᒃ, ᐅᖃᓕᒫᒐᓂᒃ ᐊᑐᕆᐊᓕᖕᓂᑦ ᐃᓕᓐᓂᐊᕐᓂᕐᒧᑦ ᐊᒻᒪ ᖃᖓᑦᑕᐅᑎᖏᓐᓄᑦ.
ᑮᓇᐅᔾᔭᒃᓴᓂᕐᒧᑦ ᐃᑲᔪᖅᑕᐅᔾᔪᑎᒃᓴᓂᒃ ᐱᓕᕆᐊᒃᓴᖅ
ᑖᓱᒧᖓ ᑮᓇᐅᔾᔭᒃᓴᓂᕐᒧᑦ ᐃᑲᔪᖅᑕᐅᔾᔪᑎᒃᓴᓂᒃ ᐱᓕᕆᐊᒃᓴᒥᑦ ᐃᖅᑲᓇᐃᔭᖃᖅᑎᐅᔪᑦ ᑐᒃᓯᕋᕈᓐᓇᖅᐳᑦ ᑮᓇᔾᔭᒃᓴᓂᕐᒧᑦ ᐃᑲᔪᖅᑕᐅᔾᔪᑎᒃᓴᓂᒃ ᐃᓄᖕᓂᒃ ᐃᖅᑲᓇᐃᔭᖅᑎᑖᕈᓐᓇᖁᓪᓗᒋᑦ ᐱᓇᓱᐊᕈᓯᕐᓂᑦ 12-ᓂᑦ 48-ᓄᑦ ᑎᑭᓪᓗᒍ. ᖃᐅᔨᒪᓂᐊᖅᐳᑎᑦ: ᑐᓂᔭᐅᔪᓐᓇᖅᐳᑎᑦ ᑮᓇᐅᔾᔭᒃᓴᕐᓂᕐᒧᑦ ᐃᑲᔪᕈᑕᐅᔪᒧᑦ ᐃᓄᖕᒧᑦ ᐊᑕᐅᓯᕐᒧᑦ ᐊᑕᐅᓰᑐᐃᓐᓇᕐᓗᑎᑦ. (
ᐃᖅᑲᓇᐃᔮᖃᕐᓂᕐᒧᑦ ᑐᕌᖓᔪᒥᑦ ᐃᓕᓐᓂᐊᕐᓂᖅ
ᑖᓐᓇ ᑐᕌᒐᕆᔭᐅᔪᖅ ᐃᖅᑲᓇᐃᔮᖃᕐᓂᕐᒧᑦ ᑐᕌᖓᔪᒥᑦ ᐃᓕᓐᓂᐊᕐᓂᖅ ᐱᓕᕆᐊᒃᓴᖅ ᐃᑲᔪᕈᑕᐅᕗᖅ ᑭᒃᑯᑐᐃᓐᓇᕐᓄᑦ ᐅᕝᕙᓘᓐᓃᑦ ᑲᑎᓐᖓᔪᓂᒃ ᐱᓂᓱᖕᓂᕐᒥᒃ ᐅᕝᕙᓘᓐᓃᑦ ᐱᐅᓯᑎᑦᑎᕚᓪᓕᕈᑕᐅᓗᓂ ᐃᖅᑲᓇᐃᔮᖃᕐᓂᕐᒧᑦ ᐊᔪᖏᓐᓂᖏᓐᓂᑦ. ᑖᓱᒨᓇ ᐱᓕᕆᓂᐅᔪᒧᑦ, ᒪᕐᕉᖕᓂᒃ ᐊᕕᒃᑐᖅᓯᒪᕗᑦ ᑮᓇᐅᔭᖅᑖᕈᑕᐅᔪᓐᓇᖅᑐᓂᒃ ᐃᖅᑲᓇᐃᔭᖃᕐᕕᓄᑦ:
- ᐃᖅᑲᓇᐃᔭᕐᓗᓂ ᐃᓕᓐᓂᐊᕐᓯᓐᓈᕐᓗᓂ ᑮᓇᐅᔭᒃᓴᓂᕐᒧᑦ ᐊᒻᒪ ᐊᑭᖏᑦ ᐊᑑᑎᓕᑦ ᐃᓕᓐᓂᐊᕈᑎᖓᓄᑦ ᐃᖅᑲᓇᐃᔮᖓᓄᑦ ᐊᒻᒪᓗ ᐃᖅᑲᓇᐃᔭᕐᓗᓂ ᐃᓕᓐᓂᐊᕐᓯᓐᓈᕐᓗᓂ ᐱᓇᓱᐊᕈᓯᕐᓂᑦ 12-ᓂᑦ 48-ᓄᑦ ᑎᑭᓪᓗᒍ.
- ᐃᓕᓐᓂᐊᕐᓂᕐᒧᑦ ᓂᐅᕕᕐᓂᕐᒧᑦ ᑮᓇᐅᔭᖅᑖᕐᑎᑕᐅᓂᖅ ᐊᑭᓖᓲᖑᕗᑦ ᑕᒪᒃᑮᓂᒃ ᐅᕝᕙᓘᓐᓃᑦ ᐃᓚᐃᓐᓇᖓᓂᒃ ᐃᓕᓴᐃᔨᒧᑦ ᐊᒻᒪ ᐃᓕᓐᓂᐊᖅᑐᒧᑦ ᐊᑭᓕᕆᐊᖃᖅᑐᓂᒃ ᐊᖏᖅᑕᐅᓯᒪᔪᓂᒃ ᐃᓕᓐᓂᐊᕐᓂᐅᔪᓂᒃ.
ᓄᓇᓕᖕᓄᑦ ᐱᓕᕆᓃᑦ ᐱᓕᕆᐊᒃᓴᐅᔪᓐᓇᖅᑐᑦ
ᐃᓄᐃᑦ ᑲᑐᔾᔨᖃᑎᒌᖏᑦ, ᑮᓇᐅᔾᔭᒃᓴᕈᑕᐅᖏᑦᑐᑦ ᑲᑐᔾᔨᖃᑎᒌᑦ ᐊᒻᒪ ᓄᓇᓕᖕᓂᑦ ᒐᕙᒪᒃᑯᑦ ᓴᖅᑭᔮᕐᑎᑎᓯᒪᔪᑦ ᐃᖅᑲᓇᐃᔮᒃᓴᓂᑦ ᐃᓄᖕᓂᑦ ᐃᖃᓇᐃᔮᓂᒃ ᐃᓕᓐᓂᖃᕈᓐᓇᕐᓗᑎᒃ ᐊᒻᒪ ᐃᑲᔪᕐᑐᐃᓗᑎᒃ ᑮᓇᐅᔾᔭᒃᓴᔪᓐᓇᕐᓂᕐᒧᑦ, ᐊᕙᑎᑦᑎᓐᓄᑦ, ᐱᖅᑯᓯᑦᑎᓐᓄᑦ ᐅᕝᕙᓘᓐᓃᑦ ᐃᓅᖃᑎᒌᑦᑎᐊᕐᓂᕐᒧᑦ ᓄᓇᓕᖕᓂᑦ ᐃᓕᑕᕆᔭᐅᔪᓐᓇᖅᐳᑦ ᓄᓇᓕᖕᓄᑦ ᐱᓕᕆᓃᑦ ᐱᓕᕆᐊᒃᓴᐅᔪᓐᓇᖅᑐᓂᑦ ᑮᓇᐅᔭᖅᑖᖅᑎᑕᐅᓂᕐᒥᑦ $25,000-ᒧᑦ ᑎᑭᓪᓗᒍ.
