ᐅᕙᒍᑦ ᒥᑦᓵᓄᑦ
ᑲᑭᕙᒃ ᑲᑐᔾᔨᖃᑎᒋᖏᑦ ᓄᓇᓕᒻᒥ ᐊᒻᒪ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑲᑐᔾᔨᖃᑎᒌᖑᔪᖅ ᐱᔨᑦᑎᖅᑐᓂ ᐃᓄᓐᓂᑦ, ᐱᑕᖃᖅᑎᑎᓪᓗᑎ ᓇᒻᒥᓂᐅᔪᓂᑦ, ᐃᖅᑲᓇᐃᔭᓂᕐᒥᑦ ᐊᒻᒪ ᐃᓕᓐᓂᐊᓂᕐᒥᑦ ᐱᔨᑦᑎᖅᑕᓂᑦ ᐱᐅᓯᑎᒋᐊᕐᓗᒋᑦ ᓴᓐᖏᓂᖏᑦ ᓄᓇᓕᐅᔪᑦ ᕿᑭᖅᑖᓗᒻᒥ.
ᐊᓪᓚᕕᑦᑎᓐᓂ ᐃᖃᓗᓐᓂ, ᑲᑭᕙᒃ ᑲᑐᔾᔨᖃᑎᒌᑦ ᐱᔨᑦᑎᕋᕐᐸᑦᑐᑦ ᐃᓄᓐᓄᑦ ᖁᓕᓂᑦ ᐱᖓᓱᓂᓪᓗ ᓄᓇᓕᓐᓂᑦ ᕿᑭᖅᑕᓂ ᓄᓇᕗᒻᒥ. ᓄᓇᕗᑦ ᐊᖏᔪᐊᓘᒻᒪᑦ, 2,200 ᑭᓛᒥᑕᓂᑦ ᐊᖏᓂᖃᖅᑐᓂ ᓴᓂᑭᓗᐊᕐᒥᑦ ᓂᒋᐅᑉ− ᑲᓇᓐᓇᕐᐸᓯᐊᓂ ᑕᓯᐅᔭᕐᔪᐊᕐᒥ ᑕᑉᐸᐅᖓ ᐊᐅᓱᐃᑦᑐᕐᒧᑦ. ᓄᓇᓕᕗᑦ ᐊᔾᔨᒌᙱᑐᒡᒍᑎᐅᕗᑦ, ᖃᓄᐃᑦᑐᑐᐃᓐᓇᑦᑎᐊᖑᓪᓗᑎᒃ ᐃᖃᓗᓐᓂ, ᑖᓐᓇ ᓄᓇᕗᑦ ᐊᖏᔪᖅᑳᖃᕐᕕᐊ ᐃᓄᖃᖅᑐᓂ ᐅᖓᑖᓃᑦᑐᓂᑦ 8,000, ᐊᐅᓱᐃᑦᑐᕐᒥ ᖁᑦᑎᑦᑐᒥ ᐃᓄᖃᖅᑐᓂ 150ᓂᑦ.
ᓯᕗᓪᓕᐅᑎᔭᕆᐊᓕᕗᑦ ᑲᑭᕙᒃᑯᓐᓂ ᐱᖃᓯᐅᔾᔨᔪᑦ:
- ᑮᓇᐅᔭᑎᒍᑦ ᐃᑲᔪᖅᑐᑎ ᐃᓄᓐᓂᑦ ᐃᓕᓐᓂᐊᓂᕐᒧᑦ ᐊᒻᒪ ᐃᓕᓐᓂᐊᕆᐊᒃᑲᓂᓂᕐᒧᑦ.
- ᐃᑲᔪᖅᑐᒋᑦ ᐃᓄᐃᑦ ᑎᑭᑦᑎᓂᖏᓐᓄᑦ ᐃᖅᑲᓇᐃᔭᓂᕐᒧᑦ ᑐᕌᒐᖏᓐᓂ ᐃᖅᑲᓇᐃᔮᓂᑦ ᕿᓂᕐᓂᒃᑯᑦ ᐊᒻᒪ ᐃᖅᑲᓇᐃᔭᓂᕐᒧᑦ ᐃᑲᔪᖅᑕᐅᓂᕐᒧᑦ ᐱᔨᑦᑎᖅᑕᓂᑦ.
- ᐃᑲᔪᖅᑐᑎ ᐃᓄᓐᓂᑦ ᐃᓚᒋᔭᐅᑎᑦᑎᓂᖅᓴᐅᓂᕐᒧᑦ ᓇᒻᒥᓂᕆᔭᐅᔪᓂᑦ ᓴᖅᑭᖅᑎᑕᐅᓂᖓᒍᑦ, ᐊᐅᓚᑦᑎᓂᕐᒧᑦ ᐊᒻᒪ ᐊᐅᓚᓂᖏᓐᓄ ᓈᒻᒪᓐᓂᖃᖅᑐᓂ, ᑲᔪᓯᑦᑎᐊᕐᓂᖃᖅᑐᓂᑦ ᓇᒻᒥᓂᕆᔭᐅᔪᓂᑦ.
- ᐃᑲᔪᖃᑦᑕᖅᑐᑎ ᐃᖅᑲᓇᐃᔭᓂᕐᒧᑦ ᐊᒻᒪ ᖃᐅᔨᒪᓂᐅᔪᓂᑦ ᐱᕙᓪᓕᐊᑎᑦᑎᓂᕐᒧᑦ ᐃᓄᓐᓄᑦ ᒪᒃᑯᑦᑐᓄᑦ, ᓯᕗᒧᒋᐊᖅᑎᑦᑎᓂᖃᖅᑐᑦ ᐃᓕᓐᓂᐊᓂᕐᒧᑦ ᐊᒻᒪ ᐃᖅᑲᓇᐃᔭᓂᕐᒧᑦ.
- ᐃᑲᔪᕐᓂᖅ ᓈᒻᒪᑦᑐᓂ ᐊᒻᒪ ᑮᓇᐅᔭᖅᑐᓗᐊᖏᑦᑐᓂ ᐱᔭᔅᓴᐅᓂᖏᓐᓄᑦ ᐸᐃᕆᕕᓐᓄᑦ ᑐᓐᖓᕕᒋᓪᓗᒋᑦ ᐃᓚᒋᔭᐅᖃᑕᐅᓂᖅᓴᐅᓂᖏᓐᓄᑦ ᐃᓄᐃᑦ,ᐊᒻᒪ ᐱᓗᐊᖅᑐᒥᑦ ᐃᓄᐃᑦ ᐊᕐᓇᐃᑦ, ᐃᓕᓐᓂᐊᕐᓂᓕᕆᓂᕐᒥᑦ, ᐃᓕᓐᓂᐊᓂᕐᒥᑦ ᐊᒻᒪ ᐃᖅᑲᓇᐃᔭᓂᕐᒥᑦ.
- ᑐᓂᓯᓪᓗᑎ ᐱᐅᔪᒻᒪᕆᓐᓂᑦ, ᖃᐅᔨᒪᓂᖃᖅᑐᓄᑦ ᐱᔨᑦᑎᖅᑕᓂᑦ ᐱᔨᑦᑎᖅᑕᐅᔪᓄᑦ.
- ᓴᓐᖓᑎᑦᑎᒋᐊᓂᕐᒥᑦ ᐱᓕᕆᖃᑎᒌᓐᓂᐅᔪᓂᑦ ᐊᔾᔨᒌᖏᑦᑐᓂᑦ ᐃᓄᓐᓂᑦ, ᓇᒻᒥᓂᐅᔪᓂᑦ ᐊᒻᒪ ᑲᑐᔾᔨᖃᑎᒋᓂᑦ.
- ᐱᕙᓪᓕᐊᑎᑕᐅᓂᖓ ᑲᑭᕙᒃ ᑲᑐᔾᔨᖃᑎᒌᖏᑦ ᐊᑐᕐᓂᖃᑦᑎᐊᖅᑐᒥ ᐊᒻᒪ ᐊᐅᓚᓂᖃᑦᑎᐊᖅᑐᒥ ᑲᑐᔾᔨᖃᑎᒌᖑᓪᓗᓂ ᑐᓂᔭᐅᓂᖏᓐᓄᑦ ᓄᓇᓕᒻᒥ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᓂᑦ ᐊᒻᒪ ᐱᔨᑦᑎᖅᑕᓂᑦ.
ᐃᓚᒋᓪᓗᓂᒋᑦ ᐃᖅᑲᓇᐃᔭᓂᕐᒧᑦ ᐱᐅᓯᑎᒋᐊᖏᓐᓇᖅᑐᒋᑦ ᐱᔨᑦᑎᖅᑕᕗᑦ ᑐᓂᔭᐅᓂᖏᓐᓄᑦ, ᑲᑭᕙᒃ ᐃᖅᑲᓇᐃᔭᖅᑎᖏᑦ ᐊᒻᒪ ᑲᑎᒪᔨᖏᑦ ᐱᓕᕆᓂᖃᖅᑐᑦ ᓴᖅᑭᔮᖅᑎᑦᑎᓂᕐᒥᑦ ᐱᒧᒪᓂᕆᔭᖏᓐᓂ ᐃᓄᐃᑦ ᑲᑎᒪᔪᓂᑦ ᐱᓕᕆᐊᖃᖅᑐᑦ ᐊᑐᐊᒐᕐᓂᑦ, ᐱᓕᕆᐊᓂᑦ ᐊᒻᒪ ᓯᕗᓂᔅᓴᒥ ᐱᔭᐅᔭᕆᐊᓕᓐᓂᑦ ᓄᓇᑖᖃᑕᐅᓯᒪᔪᓄᑦ ᐱᓕᕆᐊᕆᕕᒋᔭᖏᓐᓂ.
ᑲᑭᕙᒃᑯᑦ ᐋᔩᖃᑎᖃᖅᐸᒻᒥᔪᑦ ᑮᓇᐅᔭᖃᖅᑎᑕᐅᓂᕐᒧᑦ ᐋᖅᑭᑦᑕᐅᔪᓂᑦ ᓇᓗᓇᐃᖅᓯᒪᔪᓂᑦ ᒐᕙᒪᑐᖃᒃᑯᑦ ᐱᓕᕆᕕᖏᓐᓂ. ᑲᑎᒪᔨᕗᑦ ᐊᒻᒪ ᐃᖅᑲᓇᐃᔭᖅᑎᕗᑦ ᐃᑲᔪᖅᑐᐃᓂᖃᖅᑐᑦ ᓄᓇᕗᑦ ᐱᖃᓯᐅᔾᔭᐅᓗᓂ ᑲᓇᑕᒥ ᐱᓕᕆᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐃᓕᐅᖅᑲᖅᑕᐅᔪᓂᑦ. ᑖᓐᓇ ᑮᓇᐅᔭᖃᖅᑎᑦᑎᓂᐅᔪᖅ ᑐᓐᖓᕕᐅᓕᐅᖅᑐᖅ ᐊᑕᖏᖅᑐᒋᑦ ᐊᓯᓕᒫᖏᓐᓂ ᐱᓕᕆᐊᑎᓐᓂ ᑐᓂᓯᔪᓐᓇᓂᖅᑎᓐᓄᑦ ᓴᓇᔭᐅᓗᓂ.
ᐃᖃᓇᐃᔭᖅᑎᑦ
Kakivak staff are organized in three main program departments and a fourth administrative department.
Employment and Training, Business Development, and Childcare, Youth and Disability – and a fourth administrative department, Finance and Administration.