ᑐᕌᖅᑕᐅᔪᖅ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐃᖅᑲᓇᐃᔭᖅᑐᓕᕆᔨᒃᑯᓐᓄᓪᓗ ᓴᙱᓕᖅᐹᓪᓕᑎᑦᓯᓂᖅ ᐱᕈᖅᐸᓪᓕᐊᑎᑦᓯᓂᕐᓗ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ ᕿᑭᖅᑕᓂ ᒥᑦᓵᓂ. ᐃᓕᓐᓂᐊᕐᓂᕐᒧᑦ ᐃᖅᑲᓇᐃᔭᖅᑎᑦᓯᓂᕐᒧᓪᓗ ᑮᓇᐅᔭᐃᑦ ᐊᑐᐃᓐᓇᐅᔪᑦ ᐃᑲᔫᑎᑦᓴᐃᑦ ᐃᓄᓐᓄᑦ ᑎᒥᐅᔪᓄᓪᓗ ᐱᕙᓪᓕᐊᑎᓪᓗᒋᑦ, ᑲᔪᓯᑎᑦᓯᑎᓪᓗᒋᑦ, ᐃᓚᐅᑎᓪᓗᒋᓪᓗ ᐃᓕᓐᓂᐊᕋᑦᓴᓄᑦ, ᐊᑐᐃᓐᓇᐅᑎᑦᓯᓂᕐᓗ ᐱᔪᓐᓇᖅᑐᓄᑦ ᑎᒍᒥᐊᖅᑎᓄᑦ ᑮᓇᐅᔾᔭᑦᓵᓄᑦ ᐃᑲᔫᑎᓄᑦ ᐃᖅᑲᓇᐃᔭᖅᑎᑦᓯᓗᑎᒃ ᐃᓄᓐᓂᒃ ᐃᓕᓐᓂᐊᕐᓗᑎᒃ, ᐱᓕᒻᒪᑦᓴᕐᓗᑎᒃ ᐊᒻᒪᓗ ᐃᖅᑲᓇᐃᔮᑦᓴᓂᖅ ᓴᖅᑮᓂᖅ ᐱᔾᔪᑕᐅᓪᓗᓂ.
ᐃᓕᓐᓂᐊᕋᑦᓴᓄᑦ ᐃᖅᑲᓇᐃᔮᓄᓪᓗ ᐊᐅᓚᓂᐅᔪᑦ ᒫᓐᓇ ᒪᓂᒪᑎᑕᐅᔪᑦ ᑲᑭᕙᒃᑯᓐᓄᑦ ᐱᖃᓯᐅᔾᔨᔪᑦ:
ᐃᒻᒥᒃᑯᑦ ᑐᕌᖓᔪᑦ ᐊᐅᓚᓂᐅᔪᑦ
ᐃᒻᒥᒃᑯᑦ ᑐᕌᖓᔪᑦ ᐊᐅᓚᓂᐅᔪᑦ ᑲᔪᖅᑐᑦ ᐃᓄᓐᓂᒃ ᐃᖅᑲᓇᐃᔮᑎᒍᑦ ᐱᓕᒻᒪᓴᕐᓂᕐᒥᒃ ᐊᑐᐃᓐᓇᐅᑎᑦᓯᓪᓗᑎᒃ ᑮᓇᐅᔭᓂᒃ ᐃᓚᐅᔪᓄᑦ ᑎᑎᕋᖅᑕᐅᓯᒪᔪᓄᑦ ᐊᖏᖅᑕᐅᓯᒪᔪᒥ ᐃᖅᑲᓇᐃᔭᕐᓂᕐᒧᑦ ᐃᓕᓐᓂᐊᕐᓂᕐᒧᑦ. ᐊᐅᓚᓂᐅᔪᖅ ᐃᑲᔪᖅᓯᓂᖃᖅᑐᖅ ᐃᓕᓐᓂᐊᕐᓂᒃᑯᑦ ᓄᓇᒥᓂᓪᓗ ᐊᐅᓪᓚᖅᓯᒪᓂᒃᑯᑦ ᑮᓇᐅᔭᐃᑦ, ᐃᓕᓐᓂᐊᕋᑎᓄᑦ ᖃᖓᑦᑕᐅᑎᓄᓪᓗ.
ᑮᓇᐅᔾᔭᑦᓵᓄᑦ ᐃᑲᔫᑏᑦ
ᑮᓇᐅᔾᔭᑦᓵᓄᑦ ᐃᑲᔫᑎᑎᒍᑦ, ᐃᖅᑲᓇᐃᔭᕐᕖᑦ ᑐᑦᓯᕋᕈᓐᓇᖅᑐᑦ ᑮᓇᐅᔾᔭᑦᓵᓄᑦ ᐃᑲᔫᑎᓂᒃ ᐃᖅᑲᓇᐃᔭᖅᑎᑦᓯᓂᐊᕐᓗᑎᒃ ᐃᓄᓐᓂᒃ ᐊᑯᓐᓂᓕᓐᓂᒃ 12-48 ᐱᓇᓱᐊᕈᓰᑦ.
ᐅᔾᔨᕆᒍᒃ: ᑮᓇᐅᔾᔭᑦᓵᓄᑦ ᐃᑲᔫᑎᓂᒃ ᐱᒍᓐᓇᖏᑦᑐᑎᑦ ᑖᑦᓱᒧᖓᑦᓴᐃᓐᓇᖅ ᐃᓄᒻᒧᑦ ᐊᑕᐅᓯᐊᑐᐃᓐᓇᕆᐊᓕᒃ.
ᐃᖅᑲᓇᐃᔮᒧᑦ ᐊᑦᑐᐊᔪᓂᒃ ᐃᓕᓐᓂᐊᕐᓂᖅ
ᑐᕌᒐᕆᔭᐅᔪᖅ ᐃᖅᑲᓇᐃᔮᒧᑦ ᐊᑦᑐᐊᔪᒧᑦ ᐃᓕᓐᓂᐊᕐᓂᖅ ᐃᑲᔫᑕᐅᔪᖅ ᐃᓄᓐᓂᒃ ᐊᕕᑦᑐᖅᓯᒪᔪᓂᓪᓗᓐᓃᑦ ᐱᕙᓪᓕᖁᓪᓗᒋᑦ ᐃᖅᑲᓇᐃᔭᕈᓐᓇᕐᓂᖏᑦ. ᑕᕝᕘᓇ, ᒪᕐᕉᓕᖅᑲᖓᔪᑦ ᑮᓇᐅᔭᐃᑦ ᐊᑐᐃᓐᓇᐅᔪᑦ ᐊᐅᓚᑦᓯᔪᓄᑦ:
- ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᕐᓂᕐᒧᑦ ᑮᓇᐅᔭᐃᑦ, ᑮᓇᐅᔾᔭᑦᓵᑦ ᐊᑭᒋᔭᐅᔪᓪᓗ ᐊᑦᑐᐊᔪᑦ ᑲᔪᓯᑎᑕᐅᓂᖏᓐᓄᑦ ᐃᓕᓐᓂᐊᓯᓐᓈᖅᑐᑦ ᐃᖅᑲᓇᐃᔭᖅᓯᓐᓈᑦ ᐊᑯᓐᓂᖃᕐᓗᑎᒃ ᐱᓇᓱᐊᕈᓰᑦ 12-48−ᓂᒃ.
- ᐃᓕᓐᓂᐊᕋᔅᓴᒥ ᓂᐅᕕᓂᕐᒧᑦ ᑮᓇᐅᔭᐃᑦ ᐱᖃᓯᐅᔾᔨᔪᑦ ᐊᑕᖏᖅᑐᒋᑦ ᐅᕝᕙᓘᓐᓃᑦ ᐃᓚᖏᓐᓂ ᐃᓕᓐᓂᐊᑎᑦᑎᔪᒧᑦ ᐊᒻᒪ ᐃᓚᒋᔭᐅᖃᑕᐅᔪᒧᑦ ᐊᑭᖏᓐᓂ ᐊᖏᖅᑕᐅᓯᒪᔪᓄᑦ ᐃᓕᓐᓂᐊᕋᔅᓴᓂᑦ
ᖃᑭᒪᓇᓱᐊᕈᑎᑦᓴᐃᑦ ᑮᓇᐅᔭᐃᑦ
ᑮᓇᐅᔭᓕᐅᕋᓱᐊᓂᕐᒧᑦ ᑮᓇᐅᔭᐃᑦ (EOF) ᑮᓇᐅᔭᑎᒍᑦ ᐃᑲᔪᖅᑎᑦᑎᔪᑦ ᐃᓕᓐᓂᐊᓂᕐᒧᑦ ᐃᑲᔪᕐᓗᒋᑦ ᐱᔪᓐᓇᖅᑎᑕᐅᔪᑦ ᐃᓚᒋᔭᐅᖃᑕᐅᔪᑦ ᐱᖓᓲᔪᖅᑐᓂᑦ ᓄᓇᓕᓐᓂᑦ ᐊᑦᑐᐊᓂᖃᖅᑐᓄᑦ ᑲᓇᑕᒥ ᒥᕐᖑᐃᓯᕐᕕᓐᓄᑦ ᐳᓚᕋᖅᑐᓕᕆᓂᕐᒧᑦ ᐊᑦᑐᐊᓂᓕᓐᓄᑦ ᖃᐅᔨᒪᓂᖅᑖᕐᓗᑎ. ᖃᐅᔨᒋᐊᕐᕕᒋᓗᒍ ᐊᓪᓚᕕᕗᑦ ᐊᐱᖅᑯᑎᔅᓴᖃᕈᕕᑦ. ᑐᑭᓯᒋᐊᙳᐊᖅᓯᓐᓇᕆᑦ ᐊᓪᓚᕕᑦᑎᓐᓄᑦ ᐊᐱᖅᑯᑎᑦᓴᖃᕈᕕᑦ.