ᑲᑭᕙᒃ ᑲᑐᔾᔨᖃᑎᒌᒃᑯᖏᓐᓂ ᐅᑉᐱᕈᓱᑉᐳᒍᑦ ᐃᓕᓐᓂᐊᕐᓂᖅ ᐃᓚᒋᔭᓪᓗᐊᑕᐅᒋᐊᖓ ᑲᔪᓯᑦᓯᐊᕐᓂᕐᒧᑦ ᓯᕗᓂᑦᓴᒥᓗ ᐃᖅᑲᓇᐃᔮᖃᕐᓂᕐᒧᑦ. ᑕᐃᒪᐃᒻᒪᑦ ᒪᓂᒪᑎᑦᓯᕙᑉᐳᒍᑦ ᐃᑲᔪᖅᑑᑎᓂᒃ ᑮᓇᐅᔭᓂᓪᓗ ᐃᓕᓐᓂᐊᖅᑎᓄᑦ ᓯᓚᑦᑐᓴᕐᕕᒻᒧᑦ ᐃᓕᓐᓂᐊᕆᐊᖅᑐᓄᑦ. ᐊᒻᒪᓗ, ᐃᑲᔪᖅᑐᐃᒻᒥᔪᒋᒍᑦ ᐃᓕᓐᓂᐊᓂᕐᒥᒃ ᐃᖅᑲᓇᐃᔮᓂᓪᓗ ᐅᔾᔨᖅᑐᕐᓂᕐᒥᒃ ᒪᒃᑯᑦᑐᓄᑦ ᐃᓕᓐᓂᐊᕐᕕᐊᓗᒻᒥ ᓱᓕ ᐃᓕᓐᓂᐊᑎᓪᓗᒋᑦ.
ᐊᐅᓚᓂᕆᔭᕗᑦ
ᐃᓄᐃᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᕋᑦᓴᖏᑦ
ᓇᒻᒥᓂᖅ ᐱᓇᓱᐊᕐᕕᓖᑦ ᐱᒍᓐᓇᕐᒥᔪᑦᑕᐅᖅ ᐃᒻᒥᒃᑯᑦ ᐃᑲᔫᑎᓅᖓᔪᓂᒃ ᓯᓚᑦᑐᓴᕐᕕᒻᒧᑦ ᐃᓕᓐᓂᐊᕆᐊᕈᒪᒍᑎᒃ ᐃᓕᓐᓂᐊᕈᒪᒍᑎᓪᓗᓐᓃᑦ ᐱᓇᓱᐊᕐᕕᖓᓄᑦ ᐊᑦᑐᐊᔪᓄᑦ, ᐅᕝᕙᓗᓐᓃᑦ ᐃᓗᓐᓇᐃᓐᓅᖓᔪᓂᒃ ᐱᓇᓱᐊᕐᕕᒻᒥᒃ ᐊᐅᓚᑦᓯᓂᕐᒥᒃ.
ᐊᐅᔭᒃᑯᑦ ᐃᖅᑲᓇᐃᔭᕆᐅᖅᓴᓂᕐᒧᑦ ᐊᐅᓚᓂᖅ
ᑖᓐᓇ ᐊᑐᐃᓐᓇᐅᑎᑦᓯᔪᖅ ᐃᖅᑲᓇᐃᔭᕐᕕᓐᓄᑦ ᑮᓇᐅᔾᔭᑦᓵᓄᑦ ᐃᑲᔫᑎᓂᒃ ᐃᓄᓐᓄᑦ ᐃᓕᓐᓂᐊᖅᑎᓄᑦ ᐃᓕᓐᓂᐊᕐᕕᐊᓗᒻᒥ ᓯᓚᑦᑐᓴᕐᕕᒻᒥᓗᓐᓃᑦ.
- ᐊᑭᓕᖅᑐᖅᑕᐅᒍᓐᓇᖅᑐᑦ ᐱᖃᓯᐅᔾᔨᔪᑦ ᑮᓇᐅᔾᔭᑦᓵᓄᑦ ᐃᑲᔫᑎᓂᒃ ᐅᖓᑖᓅᙱᑦᑐᖅ $18/ᐃᑲᕐᕋᖅ + 13% MERC ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᐊᒻᒪᓗ 50% ᐅᖓᑖᓅᙱᑦᑐᖅ ᓇᒻᒥᓂᖅ ᑎᒥᖁᑎᒋᔭᐅᔪᓄᑦ ᐊᓯᖏᑦ ᐊᑭᓕᖅᑐᕈᓐᓇᖅᑐᑦ ᐱᖃᓯᐅᔾᔨᔪᖅ ᓇᒻᒥᓂᖅ ᐊᓐᓄᕌᓂᒃ ᓴᐳᔾᔨᒍᑎᓂᒃ (PPE). ᐃᓄᐃᑦ ᐊᔪᕈᑎᓕᑦ ᐊᑭᓕᖅᑕᐅᒍᓐᓇᖅᑐᑦ ᑎᑭᐅᑎᓯᒪᔪᓄᑦ $20/ᐃᑲᕐᕋᖅ + MERC ᐊᒻᒪᓗ ᐃᑲᔪᕆᐊᒃᑲᓐᓂᕈᑎᑦᓴᓂᒃ ᓱᓇᒃᑯᑎᓂᒃ
ᐃᑲᔪᖅᑎᖃᖅᓱᑎᒃ ᐃᖅᑲᓇᐃᔭᕐᕕᓐᓄᑦ ᐊᐅᓚᓃᑦ
ᑖᓐᓇ ᐊᐅᓚᓂᐅᔪᖅ ᐃᑲᔪᖅᑐᕐᓂᓕᒃ ᒪᒃᑯᑦᑐᓂᒃ ᐃᖅᑲᓇᐃᔭᕆᐅᖅᓴᑎᓪᓗᒋᑦ. ᐃᑲᔪᖅᑐᐃᓂᖃᕐᒥᔪᖅ ᐱᔭᕆᐊᖅᐸᓪᓕᐊᒋᐊᓕᓐᓄᑦ ᐃᖅᑲᓇᐃᔮᓅᖓᔪᓄᑦ.
- ᐊᑭᓕᖅᑐᖅᑕᐅᒍᓐᓇᖅᑐᑦ ᐱᖃᓯᐅᔾᔨᔪᑦ ᑮᓇᐅᔾᔭᑦᓵᓄᑦ ᐃᑲᔫᑎᓂᒃ ᐅᖓᑖᓅᙱᑦᑐᖅ $20/ᐃᑲᕐᕋᖅ + 13% MERC ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᐊᒻᒪᓗ 50% ᐅᖓᑖᓅᙱᑦᑐᖅ ᓇᒻᒥᓂᖅ ᑎᒥᖁᑎᒋᔭᐅᔪᓄᑦ. ᐊᓯᖏᑦ ᐊᑭᓕᖅᑐᕈᓐᓇᖅᑐᑦ ᐱᖃᓯᐅᔾᔨᔪᖅ ᓇᒻᒥᓂᖅ ᐊᓐᓄᕌᓂᒃ ᓴᐳᔾᔨᒍᑎᓂᒃ (PPE). ᐃᓄᐃᑦ ᐊᔪᕈᑎᓕᑦ ᐊᑭᓕᖅᑕᐅᒍᓐᓇᖅᑐᑦ ᑎᑭᐅᑎᓯᒪᔪᓄᑦ $22/ᐃᑲᕐᕋᖅ + MERC ᐊᒻᒪᓗ ᐃᑲᔪᕆᐊᒃᑲᓐᓂᕈᑎᑦᓴᓂᒃ ᓱᓇᒃᑯᑎᓂᒃ.
ᑐᑭᓯᓇᓱᐊᕐᓂᕐᒧᑦ ᑐᑭᓯᐅᒪᔭᕆᐊᓕᓐᓄᓪᓗ ᐊᐅᓚᓂᖅ
ᑖᓐᓇ ᐊᐅᓚᓂᐅᔪᖅ ᐃᑲᔪᖅᑐᐃᓂᓕᒃ ᐊᐅᓚᓂᐅᔪᓂᒃ ᖁᕝᕙᖅᑎᕆᔪᓂᒃ ᑐᑭᓯᓇᓱᐊᕐᓂᕐᒨᖓᔪᓂᒃ ᑐᑭᓯᐅᒪᔭᕆᐊᓕᓐᓄᓪᓗ ᐃᓕᓐᓂᐊᖅᑕᐅᓗᓂ ᐃᖅᑲᓇᐃᔮᖑᒍᒪᓗᓂᓗ, ᐱᖃᓯᐅᑎᑦᓱᑎᒃ ᑐᑭᓯᓂᐊᕐᓂᕐᒧᑦ ᓅᓯᒪᓃᑦ, ᖃᕆᑕᐅᔭᖃᑎᒌᓐᓃᑦ, ᐊᐅᓚᓂᐅᔪᓪᓗ ᑲᓲᒪᑎᑦᓯᔪᑦ ᑐᑭᓯᓇᓱᐊᕐᓂᕐᒥᒃ ᑐᑭᓯᐅᒪᔭᕆᐊᓕᓐᓂᓪᓗ ᐱᖅᑯᓯᖅᑎᒍᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᓐᓄᑦ.
- ᐊᑭᓕᖅᑕᐅᒍᓐᓇᖅᑐᑦ ᐃᓚᒋᔭᐅᔪᑦ: ᐃᓪᓗᒥᒃ ᐊᑐᖅᑐᐊᕈᑏᑦ, ᓴᓇᔭᑦᓴᐃᑦ ᑐᕌᖅᑐᑦ ᐃᓕᓐᓂᐊᖅᖅᑎᓄᑦ ᖁᕝᕙᖅᑎᕆᒍᑕᐅᑦᓱᑎᒃ ᓇᓗᓇᐃᖅᓯᒪᔪᓂᒃ ᐃᖅᑲᓇᐃᔮᒧᑦ ᐃᓗᓕᕆᔭᐅᔪᓂᒃ, ᖃᓄᐃᑦᑑᓂᖏᓐᓄᑦ ᖃᐅᔨᓴᕆᐊᓖᑦ, ᓲᕐᓗ ᐅᓐᓂᖅᓯᐅᕈᑎᑦᓴᐃᑦ ᐊᒻᒪᓗ ᑎᑎᕋᖅᑕᐅᓯᒪᔪᑦ ᑭᓯᐊᓂ ᐃᓚᒋᔭᐅᙱᑦᑐᑦ ᐊᐅᓚᓂᕐᒥᒃ ᐱᔪᒥᓵᕆᒍᑏᑦ, ᐃᖏᕐᕋᔾᔪᑏᑦ ᐊᒻᒪᓗ ᐃᑎᖅᑎᑕᐅᓂᕐᒧᑦ ᐊᐅᓚᓂᐅᔪᓄᑦ ᐃᑎᕈᑏᑦ ᐃᓕᓐᓂᐊᖅᑎᓄᑦ ᐸᐸᑦᓯᔨᖏᓐᓄᓪᓗ
ᐃᖅᑲᓇᐃᔮᓂᒃ ᖁᕝᕙᖅᑎᕆᓂᖅ ᐅᔾᔨᖅᑐᕐᓂᕐᓗ
ᑖᓐᓇ ᐊᐅᓚᓂᐅᔪᖅ ᐃᑲᔪᖅᑐᐃᓂᓕᓂᒃ ᐊᑐᐃᓐᓇᖃᖅᑎᑦᓯᓂᕐᒥᒃ ᐃᖅᑲᓇᐃᔮᒨᖓᔪᓂᒃ ᑐᓴᕋᑦᖅᓴᓂᒃ ᐅᔾᔨᖅᑐᕐᓂᕐᒥᓪᓗ ᐊᐅᓚᓂᖅᑎᒍᑦ ᓲᕐᓗ ᐃᖅᑲᓇᐃᔮᓂᒃ ᑕᑯᑦᓴᐅᑎᑦᓯᓂᖅ, ᐃᖅᑲᓇᐃᔮᓂᒃ ᐸᕐᓇᐅᑎᖃᕐᓃᑦ, ᓯᕗᓕᓂᕐᒧᑦ ᐊᐅᓚᓃᑦ, ᐃᓅᓯᕐᒨᖓᔪᑦ ᐱᔭᕆᐅᕆᐊᓖᑦ/ᐃᖅᑲᓇᐃᔮᒥ ᐱᔭᕆᐅᕆᐊᓖᑦ, ᐅᖃᖅᑏᑦ, ᐊᒻᒪᓗ ᐃᓕᓐᓂᐊᕐᓃᑦ ᓯᕗᓕᕐᓂᐅᑉ ᒥᑦᓵᓄᑦ ᐃᔾᔭᕋᑦᓴᐃᓪᓗ.
- ᐊᑭᓕᖅᑕᐅᒍᓐᓇᖅᑐᑦ ᐃᓚᒋᔭᐅᔪᑦ: ᐃᓪᓗᒥᒃ ᐊᑐᖅᑐᐊᕈᑏᑦ, ᓴᓇᔭᑦᓴᐃᑦ ᑐᕌᖅᑐᑦ ᐃᓕᓐᓂᐊᖅᖅᑎᓄᑦ ᖁᕝᕙᖅᑎᕆᒍᑕᐅᑦᓱᑎᒃ ᓇᓗᓇᐃᖅᓯᒪᔪᓂᒃ ᐃᖅᑲᓇᐃᔮᒧᑦ ᐃᓗᓕᕆᔭᐅᔪᓂᒃ, ᖃᓄᐃᑦᑑᓂᖏᓐᓄᑦ ᖃᐅᔨᓴᕆᐊᓖᑦ, ᓲᕐᓗ ᐅᓐᓂᖅᓯᐅᕈᑎᑦᓴᐃᑦ ᐊᒻᒪᓗ ᑎᑎᕋᖅᑕᐅᓯᒪᔪᑦ ᑭᓯᐊᓂ ᐃᓚᒋᔭᐅᙱᑦᑐᑦ ᐊᐅᓚᓂᕐᒥᒃ ᐱᔪᒥᓵᕆᒍᑏᑦ, ᐃᖏᕐᕋᔾᔪᑏᑦ ᐊᒻᒪᓗ ᐃᑎᖅᑎᑕᐅᓂᕐᒧᑦ ᐊᐅᓚᓂᐅᔪᓄᑦ ᐃᑎᕈᑏᑦ ᐃᓕᓐᓂᐊᖅᑎᓄᑦ ᐸᐸᑦᓯᔨᖏᓐᓄᓪᓗ.