ᐅᖃᐅᔾᔨᒋᐊᖅᑎᑦᓴᐃᓪᓕᕿᕖᑦ, ᖃᐅᔨᒪᓕᑕᑦᓴᒥᒃ ᐅᕝᕙᓗᓐᓃᑦ ᑮᓇᐅᔭᖅᑎᒍᑦ ᐃᑲᔪᖅᑐᖅᑕᐅᒍᒪᕕᑦ ᐊᖏᓪᓕᒋᐊᕈᒪᓪᓗᒍ ᐱᒋᐊᖅᑎᒍᒪᓪᓗᒍᓗᓐᓃᑦ ᓇᒻᒥᓂᖅ ᐱᓇᓱᐊᕐᕕᒋᔭᐃᑦ? ᖃᓄᐃᓪᓗᐊᖅᑑᒐᓗᐊᖅᐸᑦ, ᓱᓇᓕᕆᒐᓗᐊᕈᕕᑦ, ᑲᑭᕙᒃᑯᑦ ᐊᐅᓚᓂᖃᖅᑐᑦ ᐃᓄᑦᑕᖃᖅᓱᑎᓪᓗ ᐃᑲᔪᕈᓐᓇᖅᑐᓂᒃ ᐃᓕᓐᓂᒃ ᑎᑭᐅᑎᑎᑦᓯᒍᓐᓇᖅᑐᓂᒃ ᑐᕌᒍᒪᔭᓐᓄᑦ.
ᑲᑭᕙᒃᑯᑦ ᐱᓇᓱᐊᕐᕕᓕᕆᔨᖏᑦ ᒪᓂᒪᑎᑦᓯᔪᑦ ᐊᔾᔨᒌᙱᑦᑐᓂᒃ ᐱᔨᑦᓯᕋᐅᑎᓂᒃ ᐃᑲᔪᖅᑐᓂᒃ ᐃᓄᓐᓂᒃ ᕿᑭᖅᑕᓂ ᒥᑦᓵᓂ ᖃᐅᔨᓴᕐᓗᑎᒃ, ᐸᕐᓇᓪᓗᑎᒃ, ᓴᖅᑮᓗᑎᒃ, ᐊᐅᓚᑦᓯᓗᑎᓪᓗ ᐊᖏᓪᓕᒋᐊᕆᓗᑎᓪᓗ ᓇᒻᒥᓂᖅ ᐱᓇᓱᐊᕐᕕᒻᒥᓂᒃ. ᑐᕌᒐᕆᔭᕗᑦ ᐃᑲᔪᕐᓂᖅ ᓴᖅᑮᓂᕐᒧᑦ ᑲᔪᓯᒍᓐᓇᖅᑐᓂᒃ ᑲᔪᓯᑦᓯᐊᖅᑐᓂᓪᓗ ᐃᓄᓐᓄᑦ ᓇᒻᒥᓂᕆᔭᐅᔪᓂᒃ ᐱᓇᓱᐊᕐᕕᓐᓂᒃ ᐃᖅᑲᓇᐃᔮᑦᓴᖅᑕᖃᖅᓱᑎᒃ ᓇᒻᒥᓂᓕᓐᓄᑦ ᐊᓯᖏᓐᓂᓪᓗ ᐃᓗᐊᓐᓂ ᓄᓇᓕᖁᑎᑦᑕ.
ᐱᕙᓪᓕᐊᑎᑦᓯᓂᕐᒧᑦ ᐅᖃᐅᔾᔨᒋᐊᖅᑎᕗᑦ ᐊᑐᐃᓐᓇᐅᔪᑦ ᐅᖃᐅᔾᔨᒋᐊᕈᓐᓇᖅᓱᑎᒃ ᐃᑲᔪᕈᓐᓇᖅᓱᑎᓪᓗ ᑲᔪᓯᑦᓯᐊᖁᓪᓗᑎᑦ. ᑕᑯᕕᑦᓴᓕᐅᕆᑦ ᖃᐃᓗᑎᑦ ᑕᑯᓂᐊᕐᓗᑎᒍᑦ ᐅᖄᓚᓗᑎᓪᓗᓐᓃᑦ ᐊᑭᖃᙱᑦᑐᖁᑎᑦᑎᓐᓄᑦ ᐊᑭᖃᙱᑦᑐᖁᑎᑦᑎᓐᓄᑦ.
ᐊᐅᓚᓂᕆᔭᕗᑦ:
ᒪᑭᒋᐊᕐᕕᒻᒥᒃ ᐊᑐᖅᑐᐊᕋᑦᓴᐃᑦ
ᒪᑭᒋᐊᕐᕕᒻᒥᒃ ᐊᑐᖅᑐᐊᕋᑦᓴᐃᑦ ᐊᑐᐃᓐᓇᐅᔪᑦ ᐱᔪᓐᓇᖅᑎᑕᐅᔪᓄᑦ ᐃᓄᓐᓄᑦ ᓇᒻᒥᓂᕆᔭᐅᔪᓄᑦ ᑮᓇᐅᔭᑎᒍᑦ ᐃᑲᔪᖅᑕᐅᒋᐊᓕᓐᓄᑦ ᐊᖏᓪᓕᕆᐊᕆᓗᑎᒃ ᐱᓇᓱᐊᕐᕕᒻᒥᓂᒃ. ᐱᕙᓪᓕᐊᔪᓕᕆᔨᕗᑦ ᐃᓕᓐᓂᒃ ᐱᓕᕆᖃᑎᖃᕐᓂᐊᖅᑐᑦ ᖃᓄᐃᑦᑐᓂᒃ ᑮᓇᐅᔭᑎᒍᑦ ᐃᑲᔪᖅᑕᐅᑦᓯᐊᓂᖅᐸᐅᒍᓐᓇᕐᒪᖔᖅᐱᑦ, ᐱᖃᓯᐅᑎᑦᓱᑎᒃ ᐊᐃᑦᑑᑕᐅᒍᓐᓇᖅᑐᑦ ᐊᒻᒪᓗ ᒪᑭᒋᐊᕐᕕᒻᒥᒃ ᐊᑐᖅᑐᐊᕋᑦᓴᐃᑦ.
- ᑎᑭᓯᒪᔪᓂᑦ $50,000 ᐊᑦᑕᓇᐃᖅᓯᒪᔪᓂᑦᐊᑯᓂᐅᓂᖓᓄ ᐊᑐᖅᑐᐊᕈᑏᑦ ᐋᖅᑭᓯᒪᓂᖃᖅᑐᑎ ᕿᑐᓐᖏᐅᕈᑎᖏᑦ ᖁᕝᕙᓯᓐᓂᖓ 8.5%
- ᐊᑭᓕᖅᑐᐃᓃᑦ ᑎᑭᐅᒪᔪᑦ ᐊᕐᕌᒍᓄᑦ 7−ᓄᑦ
ᓯᕗᒧᑦ ᐊᐃᑦᑑᑏᑦ ᓇᒻᒥᓂᖅ ᐱᓇᓱᐊᕐᕕᕋᓛᓄᑦ
ᓯᕗᒧᑦ ᐊᐃᑦᑑᑏᑦ ᐊᑐᐃᓐᓇᐅᔪᑦ ᐱᔪᓐᓇᖅᑎᑕᐅᔪᓄᑦ ᐃᓄᓐᓄᑦ ᓇᒻᒥᓂᕆᔭᐅᔪᓄᑦ ᐃᑲᔪᖅᑑᑕᐅᓪᓗᑎᒃ ᓴᖅᑮᓂᕐᒥᒃ ᐊᖏᓪᓕᒋᐊᕆᓂᕐᒥᓪᓗᓐᓃᑦ ᐱᓇᓱᐊᕐᕕᖓᓐᓂᒃ. ᐱᕙᓪᓕᐊᔪᓕᕆᔨᕗᑦ ᐃᓕᓐᓂᒃ ᐱᓕᕆᖃᑎᖃᕐᓂᐊᖅᑐᑦ ᖃᓄᐃᑦᑐᓂᒃ ᑮᓇᐅᔭᑎᒍᑦ ᐃᑲᔪᖅᑕᐅᑦᓯᐊᓂᖅᐸᐅᒍᓐᓇᕐᒪᖔᖅᐱᑦ, ᐱᖃᓯᐅᑎᑦᓱᑎᒃ ᐊᐃᑦᑑᑕᐅᒍᓐᓇᖅᑐᑦ ᐊᒻᒪᓗ ᒪᑭᒋᐊᕐᕕᒻᒥᒃ ᐊᑐᖅᑐᐊᕋᑦᓴᐃᑦ.
- ᑎᑭᐅᒪᔪᑦ $5,000−ᓄᑦ ᐱᓇᓱᐊᕐᕕᒻᒥᒃ ᐱᒋᐊᖅᐸᓪᓕᐊᒍᑏᑦ
- ᑎᑭᒪᐅᔪᑦ $10,000−ᓄᑦ ᐱᒋᐊᕈᑏᑦ
- ᑎᑭᐅᒪᔪᑦ $10,000−ᒧᑦ ᐱᓇᓱᐊᕐᕕᒻᒧᑦ ᐊᖏᓪᓕᒋᐊᕈᑏᑦ
- ᐅᖓᑖᓅᙱᑦᑐᖅ $25,000 ᐊᐃᑦᑑᑎᑦᓴᐃᑦ ᐊᑐᓂᑦ ᓇᒻᒥᓂᕆᔭᐅᔪᒧᑦ
- ᐃᑲᔫᑎᑦᓴᑲᓐᓃᑦ ᐃᓕᓐᓂᐊᕈᑎᑦᓴᑎᑦ ᖃᓄᖅ ᐊᐅᓚᑦᓯᓂᐊᕐᒪᖔᖅᐱᑦ
ᓴᓇᕐᕈᑎᕋᓛᓄᑦ ᐊᐃᑦᑑᑏᑦ
ᓴᓇᙳᐊᖅᑏᑦ ᓴᓇᐅᒐᖅᑏᓪᓗᓐᓃᑦ ᑐᑦᓯᕋᕈᓐᓇᖅᑐᑦ ᑮᓇᐅᔭᓂᒃ ᐃᑲᔫᑎᑦᓴᓂᒃ ᓂᐅᕕᕐᓂᕐᒧᑦ ᓴᓇᕐᕈᑎᓂᒃ ᓴᓇᔭᑦᓴᓂᓪᓗ.
- ᑎᑭᐅᒪᔪᑦ $1,000−ᓄᑦ ᐃᑲᔫᑏᑦ ᓂᐅᕕᕐᓂᕐᒧᑦ ᓴᓇᕐᕈᑎᓂᒃ. ᐱᔪᓐᓇᖅᑎᑕᐅᔪᑦ ᑐᑦᓯᕋᖅᑐᑦ ᐱᒍᓐᓇᖅᑐᑦ ᓴᓇᕐᕈᑎᑖᕈᑎᓂᒃ ᐊᕐᕌᒍᐃᑦ ᑕᓪᓕᒪᑦ ᐊᓂᒍᕋᐃᑉᐸᑕ.
- ᑎᑭᐅᒪᔪᑦ $2,500−ᓄᑦ ᐃᑲᔫᑏᑦ ᓂᐅᕕᐊᖑᓂᖏᓐᓄᑦ ᒥᖅᓲᑏᑦ. ᑐᑦᓯᕋᖅᑐᑦ ᐱᒍᓐᓇᖅᑐᑦ ᒥᖅᓲᑎᒥᒃ ᐊᑕᐅᓯᐊᕐᓗᑎᒃ ᑭᓯᐊᓂ ᖃᖓᓕᒫᒨᖓᔪᓂᒃ.
ᖃᑭᒪᓇᓱᐊᕈᑎᑦᓴᐃᑦ ᑮᓇᐅᔭᐃᑦ (EOF)
ᐳᓚᑦᑐᓕᕆᔩᑦ ᐱᓇᓱᐊᕐᕖᑦ ᐊᐅᓚᓂᖃᖅᑐᑦ ᓄᓇᓕᓐᓂ ᐱᖓᓲᔪᖅᑐᓂ ᐊᑦᑐᐊᔪᑦ ᑲᓇᑕᒥ ᒥᙳᐃᕐᓯᕐᕕᓐᓄᑦ ᕿᑭᖅᑕᓂ ᒥᑦᓵᓃᑦᑐᑦ ᑐᑦᓯᕋᕈᓐᓇᖅᑐᑦ ᑮᓇᐅᔭᓂᒃ ᐊᑖᓂ ᖃᑭᒪᓇᓱᐊᕈᑎᑦᓴᐃᑦ ᑮᓇᐃᔭᑦ. ᐅᑯᐊ ᓄᓇᓖᑦ: ᐊᐅᓱᐃᑦᑐᖅ, ᖃᐅᓱᐃᑦᑐᖅ, ᐃᒃᐱᐊᕐᔪᒃ, ᒥᑦᑎᒪᑕᓕᒃ, ᕿᑭᖅᑕᖅᔪᐊᖅ ᐊᒻᒪᓗ ᐸᓐᓂᖅᑑᖅ.
- ᑎᑭᐅᒪᔪᑦ $10,000−ᓄᑦ ᑮᓇᐅᔭᐃᑦ ᐊᐃᑦᑑᑕᐅᒍᓐᓇᖅᑐᑦ ᐊᑐᓂᑦ ᑐᑦᓯᕋᖅᑐᓄᑦ ᐊᐅᓚᓂᐅᔪᓄᓪᓗ. ᑐᑦᓯᕋᖅᑐᑦ ᐱᔪᓐᓇᖅᑐᑦ ᐊᑕᐅᓯᐊᕐᓗᑎᒃ ᐊᕐᕌᒍᑕᒫᑦ.
- ᐊᐅᓚᓂᐅᔪᑦ ᐱᖃᓯᐅᔾᔨᒍᓐᓇᖅᑐᑦ ᓄᑖᑦ ᓱᓇᒃᑯᑏᑦ, ᐊᑦᑕᓇᑦᑕᐃᓕᒪᔾᔪᑏᑦ ᐊᒻᒪᓗ ᒪᓂᒪᑎᑦᓯᔾᔪᑏᑦ. EOF ᐊᐃᑦᑑᑕᐅᔪᑦ ᑲᑐᓯᐅᑎᓯᒪᒍᓐᓇᖅᑐᑦ ᐊᓯᖏᓐᓄᑦ ᑮᓇᐅᔭᓄᑦ ᐊᖏᓂᖅᓴᓄᑦ ᐊᐅᓚᓂᐅᔪᓄᑦ.
ᐊᔪᕈᑎᓕᓐᓄᑦ ᐊᐅᓚᓂᐅᔪᖅ
ᐃᖅᑲᓇᐃᔭᕐᕖᑦ ᐃᓇᑕᐅᕗᑦ ᐃᓄᓐᓂᒃ ᐊᔪᕈᑎᓕᓐᓂᒃ ᐃᖅᑲᓇᐃᔭᖅᑎᑦᓯᖁᔭᐅᓪᓗᑎᒃ, ᑖᒃᑯᐊᓗ ᑮᓇᐅᔭᐃᑦ ᐱᖃᓯᐅᔨᑦᓱᑎᒃ ᑮᓇᐅᔾᔭᑦᓵᓅᖓᔪᓂᒃ, ᐃᑲᔫᑏᑦ ᐃᓕᓐᓂᐊᕐᓂᕐᒧᑦ, ᐊᑭᓕᖅᑐᕆᐊᓖᑦ ᐊᑦᑐᐊᔪᑦ ᐃᑲᔪᕆᐊᒃᑲᓐᓂᕆᐊᓕᓐᓄᑦ ᐱᔨᑦᓯᕋᐅᑎᓄᑦ, ᐸᕐᓇᑕᐅᓂᖏᓐᓄᑦ ᓱᓇᒃᑯᑎᓄᓪᓗᓐᓃᑦ, ᐃᖏᕐᕋᔾᔪᑏᑦ ᓇᔪᒐᐃᓪᓗ.